Aýa raıy
Astana 10 °S
Almaty 23 °S
valıýta baǵamy
USD 389.52
EUR 429.21
RUB 6.07
CNY 54.94

Almatyda kompıýterlik klýbtarda alaıaqtyqpen aınalysqan er adam ustaldy

2019 jyldyń 20 tamyz 2019 14:54

ALMATY. QazAqparat- Áýezov aýdanynyń polıtseıleri alaıaqty ustady. Ol kompıýterlik klýbqa kelýshilerdiń senimine kirip, adamdardy aldaý arqyly tonap ketip júrgen, dep habarlaıdy QazAqparat tilshisi.

Polıtsııanyń málimetinshe, 27 jastaǵy jigit kompıýterlik klýbtarda, adamdardyń senimine kirip, bireýdiń múlkin qoldy etýdi kásipke aınaldyrǵan. 1992 jyly týǵan azamat A. bir aıdyń ishinde 4 ret urlyq jasaǵan.

«Er adam kompıýterlik klýbtarǵa kelip, kompıýter ústelinde kóp ýaqyt ótkizedi, jelilik oıyndar oınady. Onda ol basqa kelýshilermen tanysyp, áńgimege tartyp, senimderine kirip otyrǵan. Keıin azamattardan qońyraý shalý úshin uıaly telefondaryn surap alǵan. Oıynshylar oılanbastan qymbat uıaly telefondaryn bergen. Ol ǵımarattyń ishinde baılanys nashar ustap tur dep, syrtqa shyǵyp ketip, qaıtyp kirmegen», - deıdi Áýezov aýdandyq polıtsııa basqarmasynyń bastyǵy Jasulan Turyspaev.




Qazirgi ýaqytta polıtsııa qyzmetkerleri A-nyń jeke basyn tekserýde. Basqa da osyǵan uqsas qylmystarǵa qatysy bar-joǵyn anyqtap jatyr. Sotqa deıingi tergeý QRQK-niń 188-babyna jáne 190-babyna sáıkes júrgiziledi.


Perevod Alma Muqanova
Basty sózder: Qylmyspen kúres, Almaty,
Joǵary qaraı