Aýa raıy
Astana 8 °S
Almaty 18 °S
valıýta baǵamy
USD 389.59
EUR 429.06
RUB 6.05
CNY 55.07

Ógeı sheshesi men onyń anasyn sabaǵan kúdikti ustaldy

2019 jyldyń 20 tamyz 2019 12:27

TÚRKІSTAN. QazAqparat - Túrkistan oblysynda qart áıelderdi soqqyǵa jyqqan kúdikti ustaldy. Bul týraly QazAqparat Túrkistan oblysynyń polıtsııa departamentine silteme jasap habarlaıdy.

Departamenttiń baspasóz qyzmetiniń málimetine qaraǵanda, izdeý salynǵan kúdiktini ustaýǵa birneshe táýlik ketken.

«Keles aýdandyq polıtsııa bólimine aýrýhanaǵa eki áıel dene jaraqatymen jetkizilgeni týraly habarlama kelip tústi. Polıtsııa qyzmetkerleri jergilikti turǵyn ógeı sheshesi men anasyn jaraqattap, qylmys ornynan boı tasalaǵanyn anyqtady. Atalǵan oqıǵa boıynsha Qylmystyq kodekstiń 107 jáne 149-baptary boıynsha sotqa deıingi tergeý bastalǵan. Birneshe táýlikten keıin jedel-izdestirý is-sharasynyń arqasynda kúdikti ustaldy. Oqıǵanyń mán-jaıy áli anyqtalýda. Kúdikti qamaýǵa alyndy. Sotqa deıingi tergeý júrgizilýde», - delingen departamenttiń baspasóz qyzmeti taratqan aqparatta.

Eske salsaq, Túrkistan oblysy Keles aýdanynda eki áıeldi uryp-soqqan kúdiktige izdeý salynǵan bolatyn.


Joǵary qaraı