Aýa raıy
Astana -9 °S
Almaty 7 °S
valıýta baǵamy
USD 389.98
EUR 434.01
RUB 6.10
CNY 55.04

Qazposhta saıtynda jáne áleýmettik jelilerdegi resmı akkaýnttarynda chat-botty iske qosty

2019 jyldyń 20 tamyz 2019 11:55

NUR-SULTAN. QazAqparat – Poshta operatorynyń alǵashqy Qpost chat-boty post.kz saıtyna jáne Facebook-taǵy resmı paraqshasynda paıda boldy, al 28 tamyzda ol Telegram-da qosylady, dep habarlady QazAqparat «Qazposhta» AQ baspasóz qyzmetine silteme jasap.

Búgingi kúnge deıin kompanııa klıentteriniń suraqtary men aryzdaryn 8 baılanys kanaly arqyly aldy, bul jaýap berý ýaqytyn edáýir arttyratyn. Endi barlyq ótinishter úshin bir kiris kanaly paıda boldy. Bul kanaldy chat-bottan basqa Sapa qyzmetiniń operatorlary baqylap, klıentterge der kezde kómek kórsetedi.

Jasandy ıntellekt tehnologııalary men algorıtmderin qoldana otyryp iske qosylǵan bizdiń vırtýaldy kómekshimiz jiberilimderdi qadaǵalap, ornalasqan jerin habarlaıdy, tarıfter týraly aqparat beredi, poshta qyzmetin alýǵa baılanysty barlyq máseleler boıynsha keńes beredi.

Eger chat-bot klıentke qajetti másele týraly aqparat bere almasa, ony Qazposhtanyń baılanys ortalyǵynyń operatoryna qosady.

Bizdiń onlaın-kómekshimiz odan ári damyp, qyzmet kórsetý kezinde bilimin odan ári arttyrady. Ol neǵurlym kóp suranystardy óńdese, onyń jaýaptary tez jáne sapaly bolady.

Basty sózder: Internet, Qoǵam, Tsıfrlyq Qazaqstan,
Joǵary qaraı