Aýa raıy
Astana -3 °S
Almaty -1 °S
valıýta baǵamy
USD 389.75
EUR 434.26
RUB 6.12
CNY 55.05

Almaty mektepterine 25 myń oryn jetispeıdi

2019 jyldyń 19 tamyz 2019 12:33

ALMATY.QazAqparat – Baqytjan Saǵyntaev Almatyda jańa mektepter salý úshin qajetti jer máselesin qalaı sheshetinderin aıtty, dep habarlaıdy QazAqparat tilshisi.

«Búgingi tańda mektepterde shamamen 25 myń oryn tapshy. Mektep jasyndaǵy balalardyń sany jyl sanap artyp keledi. Al, jańa mektepterdiń qurylysy edáýir tómen. Biz jaǵdaıdy túbegeıli ózgertýimiz qajet. Belsendi damytýdy qolǵa alamyz. Qala shetindegi orta mektepterdiń qol jetimdiligi máselesin birtindep sheshýimiz kerek dep sanaımyn. ıAǵnı, jeke mektepter, balabaqshalar men shaǵyn ortalyqtardyń qurylysyn memlekettik –jeke seriktestik boıynsha qarjylandyrý tetikterin belsendi qoldaný qajet», - dedi Baqytjan Saǵyntaev bilim berý júıesi qyzmetkerleriniń forýmynda.

Ol Memleket basshysynyń tapsyrmasy boıynsha ákimdik ınvestorlarmen belsendi jumys istep jatqanyn jáne qarjylandyrý kózderi anyqtalatynyn atap ótti.

«Qazirdiń ózinde 20 mektep salýǵa daıyn qurylys kompanııalary bar. Alaıda, bul jumystar qalada jerdiń jetispeýshiligimen shektelip otyr. Biz bul máseleni problemaly nesıeler qoryndaǵy jerlerdiń esebinen sheshemiz. Jaqynda ǵana Qasym-Jomart Kemeluly bul máselede bizdi qoldady », - dedi ákim.

Osyndaı jumystardyń arqasynda jeke mektepter jelisi damı bastaıdy, bul oqýshy oryndarynyń jetispeýshiliginiń tómendetedi.


Perevod Alma Muqanova
Basty sózder: Bilim, Almaty,
Joǵary qaraı