Aýa raıy
Astana 6 °S
Almaty 18 °S
valıýta baǵamy
USD 389.81
EUR 430.27
RUB 6.06
CNY 54.91

Dımash Qudaıbergen Islandııada qalaı klıp túsirip jatqanyn kórsetti

2019 jyldyń 18 tamyz 2019 12:32

NUR-SULTAN. QazAqparat - Dımash Qudaıbergen rejısser Alan Badoevpen Islandııada qalaı klıp túsirip jatqanyn kórsetti, dep habarlaıdy QazAqparat tilshisi.

«Islandııadaǵy vıdeo kadrlary. Komandanyń barlyq múshesi malmandaı sý boldy. Biraq bul oǵan turalyq. Rejısser Alan Badoevke kásibıligi úshin rızashylyǵymdy bildirgim keledi. Shynymen de ol vıdeony naǵyz sýretshideı túsiretin rejısser», - dep jazdy ánshi Instagram-daǵy paraqshasynda.

Qazaq ánshisiniń sarqyrama janynda án aıtyp turǵan sáti beınelengen vıdeodan týrısterdiń de ony telefondaryna japatarmaǵaı túsirip jatqanyn baıqaýǵa bolady.

Aıta keterligi, Dımashtyń jarııalaǵan vıdeosyna reseılik kompozıtor Igor Krýtoı pikir qaldyrǵan.

«Jaraısyń Dımash, jaraısyń Alan!», - dep jazdy kompozıtor.

Alan Badoev ýkraınalyq kınorejısser, klıpmeıker ári prodıýsser. Sheteldik ártistermen jıi jumys isteıdi. Buǵan deıin Dımash Qudaıbergen taıaý arada «Know» ánine klıp túsiretindigin jarııa etken bolatyn.

Joǵary qaraı