Aýa raıy
Astana 6 °S
Almaty 16 °S
valıýta baǵamy
USD 389.75
EUR 434.26
RUB 6.12
CNY 55.05

UBT tapsyrý elektrondy júıege kóshiriledi

2019 jyldyń 16 tamyz 2019 14:06

NUR-SULTAN. QazAqparat - Ulttyq biryńǵaı test transformatsııalanady. Bul týraly búgin Tamyz konferentsııasynda QR Bilim jáne ǵylym mınıstri Ashat Aımaǵambetov aıtty, dep habarlaıdy QazAqparat tilshisi.

«Biz Ulttyq biryńǵaı testileý protsedýrasyn transformatsııalaýdy josparlap otyrmyz. Osy rette oqýshylardyń júıeni aldaý joldaryn izdeý faktileriniń oryn alyp otyrǵandyǵyn atap ótkim keledi. Telefon alyp kirip, óziniń bilimi men daǵdysymen emes, basqa da qosymsha qurylǵylardyń kómegimen kóbirek ball alýdy oılaıdy», - dedi ol.

Osy rette mınıstr aldaǵy ýaqytta UBT tapsyrý júıesi ózgeriske ushyraýy múmkin ekenin aıtty.

«Bul rette biz Ulttyq biryńǵaı test tapsyrýdy birtindep elektrondy júıege kóshirýdi josparlap otyrmyz. Mundaı oıymyz bar. Bizge UBT granttardy bólýdiń ashyqtyǵy men ádildigine kepil berýi qajet», - dedi A.Aımaǵambetov.

Joǵary qaraı