Aýa raıy
Astana 12 °S
Almaty 20 °S
valıýta baǵamy
USD 386.70
EUR 427.15
RUB 6.06
CNY 54.57

#Abaı175: QazAqparat estafetany qabyl alyp, aqynnyń ánin 5 tilde shyrqady

2019 jyldyń 20 shilde 2019 16:23

NUR-SULTAN. QazAqparat - «QazAqparat» halyqaralyq aqparat agenttiginiń ujymy Abaıdyń 175 jyldyǵyna arnalǵan estafetany «Egemen Qazaqstan» gazetinen qabyl aldy, dep habarlaıdy QazAqparat tilshisi.

Birneshe tilde aqparat taratatyn agenttik qyzmetkerleri uly aqynnyń «Kózimniń qarasy» ánin bes tilde shyrqap, estafetanyń mazmunyn baıytty. Ár qazaqtyń júreginde jattalǵan Abaıdyń áıgili áni qazaq, aǵylshyn, ózbek, orys jáne qytaı tilderinde shyrqaldy.

Agenttik ujymy bul estafetany «Tatar-Inform» aqparat agenttigine, Qyrǵyz Respýblıkasynyń «Kabar» ulttyq aqparat agenttigine, «Tengrinews» jáne NUR.KZ portaldaryna joldady.

Vıdeonyń rejısseri – Ilzat Safarǵalıev.

Esterińizge sala keteıik, elimizde Abaı Qunanbaevtyń 175 jyldyǵyna oraı aqyn óleńderinen úzindi oqýǵa arnalǵan chellendj júrip jatyr.

QR Prezıdenti Qasym-Jomart Toqaev 9 jasar mektep oqýshysynyń estafetasyn qabyl alyp, ony Bilim jáne ǵylym mınıstri Ashat Aımaǵambetovke jáne búkil álemdi moıyndatqan talantty ánshi Dımash Qudaıbergenge joldaǵan edi. Keıin Reseıdiń halyq ártisi Igor Krýtoı Dımash joldaǵan estafetany jalǵastyryp, Abaı óleńderin oqyǵan bolatyn.


Avtor Esimjan Naqtybaı
Basty sózder: Mádenıet, BAQ, Ádebıet, Vıdeo,
Joǵary qaraı