Aýa raıy
Astana 3 °S
Almaty 15 °S
valıýta baǵamy
USD 386.70
EUR 427.15
RUB 6.06
CNY 54.57

Ádilhan Makın jerlesterimen kezdesip, aldaǵy josparlarymen bólisti

2019 jyldyń 18 shilde 2019 18:57

PETROPAVL. QazAqparat – «Slavıan bazary» halyqaralyq baıqaýynyń jeńimpazy, qazaqstandyq ánshi Ádilhan Makınge týǵan jeri Soltústik Qazaqstan oblysynda qurmet kórsetildi, dep habarlaıdy QazAqparat tilshisi.

Oblys ákimi baspasóz qyzmetiniń habarlaýynsha, týǵan ólkege kelgen Ádilhan Makındi oblys ákimi Qumar Aqsaqalov qabyldap, alǵysyn bildirdi.

«Qyzyljar óńiri talaı uly dúnıege kelgen. Ermek Serkebaev sııaqty aǵalarymyzdy aıtar edim. Búginde sol tulǵalardyń jolyn jalǵap kele jatqan urpaqtary barshylyq. Byltyr Kann festıvalinde Samal Eslıamova bárimizdi qýantty. Endi mine, Ádilhan halyqaralyq án festıvaline qatysyp, oblys turǵyndarynyń ǵana emes, barsha qazaqstandyqtardyń mereıin ústem etti. Senderdiń jeńisteriń basqa jastarǵa úlgi. Kóp eńbektiń arqasynda bıik belesterdi baǵyndyrýǵa bolatynyn dáleldediń», - dedi Qumar Aqsaqalov.





Óńir basshysy Ádilhanǵa alǵys bildirip, erekshe iltıpattyń belgisi retinde Qurmet gramotasyn jáne 500 myń teńgeniń sertıfıkatyn usyndy.

Ádilhan M.Jumabaev aýdanyna qarasty Birlik aýylynyń týmasy. Qaladaǵy №6 mektepte oqyǵan. Ánshiniń ómirindegi mańyzdy isti bastamas buryn týǵan aýylyna baryp, aqsaqaldardan bata almaqshy.

«Baıqaý 15 shilde aıaqtaldy. Endi mine týǵan jerime kelip syı-qurmetke bólenip jatyrmyn. Sizderdi, týǵandarymdy, ustazdarymdy kórgenime qýanyshtymyn. Osyndaı jobadan keıin úlken kompozıtor, professorlarmen jumys istesem degen nıetim bar. Áli halqymdy jaqsy ándermen qýantamyn degen úmittemin. Úlken isti bastamas buryn týǵan jerime baryp, úlkenderden bata alǵym keledi», - dedi Ádilhan Makın.





Joǵary qaraı