Aýa raıy
Astana 9 °S
Almaty 15 °S
valıýta baǵamy
USD 385.16
EUR 425.95
RUB 6.01
CNY 54.51

Úndistandaǵy jer daýy 9 adamnyń ólimimen aıaqtaldy

2019 jyldyń 17 shilde 2019 20:14

NUR-SULTAN. QazAqparat – Úndistannyń soltústigindegi eldi mekenderdiń birinde bolǵan jer daýynan 9 adam ólip, kem degende 19 adam jaralanǵan. Bul týraly PTI agenttigi jazdy, dep habarlaıdy QazAqparat.

Agenttiktiń habarlaýynsha, birneshe jer ýchaskesiniń kimge tıesili ekendigi naqty kórsetilmeýi úlken daýdyń týýyna soqtyrǵan. Ymyraǵa kele almaǵan Sapahı eldi mekeniniń aqsaqaldary qastaryna jaqtastaryn ertip alyp, yǵyna jyǵylmaǵan ózge aýyl turǵyndaryna oq jaýdyrǵan. Artynsha, eki jaqtan 100-ge jýyq adam janjalǵa aralasyp, qandy tóbeles bastalǵan.

Quqyq qorǵaý organdarynyń aqparatyna sáıkes, qaza tapqandardyń úsheýi – áıel. Shtattyń úkimeti daýdy basý úshin kúsheıtilgen polıtsııa jasaǵyn jiberdi. Jergilikti BAQ-tyń habarlaýynsha, búlik shyqqan aýdandaǵy jaǵdaı tolyǵymen baqylaýǵa alynǵan.

Basty sózder: Oqıǵa, Álem,
Joǵary qaraı