Aýa raıy
Astana 18 °S
Almaty 31 °S
valıýta baǵamy
USD 387.34
EUR 428.44
RUB 6.04
CNY 54.58

Elmıra Sýhanberdıevanyń isine qatysty jańa derekter shyqty

2019 jyldyń 9 shilde 2019 18:45

NUR-SULTAN. Qazaqparat - QR Bilim jáne ǵylym vıtse-mınıstri bolǵan Elmıra Sýhanberdıevanyń isine qatysty jańa derekter shyqty. Oǵan ózine baǵynyshty adamdardan planshet pen uıaly telefon talap etken degen aıyp taǵylyp otyr, dep habarlaıdy QazAqparat tishisi.

«2019 jyldyń mamyrynda Sýhanberdıeva mansabyn paıdalanyp, birneshe áreketterge barǵan. Qyzmet babyna sáıkes, ol 1-maýsymda balalar quqyǵyn qorǵaý kúnine daıyndyqqa jaýapty bolǵan. Osy shara aıasynda QR Prezıdentimen kópbalaly jáne az qamtylǵan otbasylardyń balalary kezdesý josparlanǵan», - dedi prokýror Nurlan Bekmaǵambetov sot zalynda.

Onyń aıtýynsha Sýhanberdıeva atalmysh kezdesýge qatysatyn balalarǵa planshet, aıpad jáne smartfon sııaqty qymbat syılyqtar tabystamaq bolǵan.

«Sýhanberdıeva QR Bilim jáne ǵylym mınıstrliginde bul maqsatqa qarajat qarastyrylmaǵanyn jaqsy bilgen. Aǵymdaǵy jyldyń 3 mamyrynda «Baldáýren» oqý-saýyqtyrý ortalyǵynda erlik jasaǵan balalardyń qatysýymen jas patrıottar forýmy ótti. Osy shara barysynda ol eki balaǵa 1 maýsym kúni mınıstrmen kezdesý kezinde iPhoneH beriletinin aıtqan. Sol úshin memlekettik mekeme basshysynan eki iPhoneH talap etken», - dedi memlekettik aıyptaýshy.

Prokýrordyń aıtýynsha, Sýhanberdıeva memlekettik mekeme basshysynyń atalǵan zattardy óz aqshasyna alýǵa májbúr bolatynyn bilgen.

«Kómekshisi men hatshysy arqyly aıtylǵan bul tapsyrma mınıstrdiń buıryǵy retinde sıpattalǵan. Mekeme dırektory óz týysyna shyǵyp, kómek suraıdy. Ol ótinishin oryndap, 636 myń teńgege eki uıaly telefon satyp ápergen. Sýhanberdıevaǵa ol zattar júrgizýshi arqyly jetken», - dedi Nurlan Bekmaǵambetov.

Prokýror atalmysh iske qatysty taǵy bir mysal keltirdi.

«1 maýsymdaǵy kezdesýlerge Prezıdent ákimshiliginiń maquldaýymen 41 bala bekitilgen. Olarǵa planshet alýǵa bıýdjetten qarjy bólinbegenin bile tura, ózine baǵynyshty baspa basshylarynan 41 aıfon talap etken», - dedi memlekettik aıyptaýshy.

Sýhanberdıevanyń qorǵaýshysy Aıgúl Ámrenova ol telefondardy aıyptalýshynyń ózi úshin suramaǵanyn alǵa tartty.

«Qurmetti sot, qorǵaýymdaǵy adamnyń tergeý isimen kelisimge kelý áreketin qoldaımyn. Onyń asyraýynda kámeletke tolmaǵan eki balasy bar ekenin eskere otyryp, aıyppul kólemin qysqartýyńyzdy suraımyn. Mekeme basshylaryna materıaldyq shyǵyn shektirse de, ol qarjyny ózine almaǵanyn da eskerýińizdi ótinemin. Tergeý kezinde ol alǵan eki aıfonnyń biri Atyraýdaǵy órtke oranǵan úıden qyzdardy qutqarǵan balaǵa, ekinshisi Nur-Sultandaǵy qudyqtan eki jasar sábıdi qutqarǵan balaǵa berilgeni dáleldendi», - dedi qorǵaýshy.

Onyń sózine qaraǵanda, Elmıra Sýhanberdıeva balalarǵa aıfon alyp berý týraly oıǵa «Baldáýren» ortalyǵyndaǵy kezdesýden keıin kelgen.

«Balalardan ne qalaıtyndaryn suraǵanda «aıfon alǵymyz keledi» degen jaýaptar aıtylǵan bolatyn. ıAǵnı, ol bul jerde óz múddesin oılamaǵan. Al mektepke keler bolsaq, bul jerde de ol jeke basy eshqandaı tabys kórmegen. Sondyqtan, aıyppul kólemin qysqartýyyzdy suraımyn», dedi qorǵaýshy.

Aıta keteıik, Elmıra Sýhanberdıeva sybaılas jemqorlyq kúdigimen ustaldy jáne 2 aıǵa qamaýǵa alyndy.

QR Sybaılas jemqorlyqqa qarsy is-qımyl ulttyq bıýrosy Elmıra Sýhanberdıevaǵa qatysty sotqa deıingi tergeý amaldaryn bastady. Búgin sot otyrysy ótip, ol óz kinásin moıyndady.

Joǵary qaraı