Aýa raıy
Astana 25 °S
Almaty 27 °S
valıýta baǵamy
USD 385.42
EUR 424.58
RUB 6.00
CNY 54.31

Jaıyq ózeninde balyqtyń jappaı qyrylýyna aıyptylar kinálaryn moıyndamady

2019 jyldyń 6 shilde 2019 01:21

ATYRAÝ. QazAqparat - 5 shilde kúni Atyraýda bastalǵan sot protsesinde Jaıyq ózeninde balyqtyń jappaı qyrylýyna aıyptylar óz kinálaryn moıyndamady, dep habarlaıdy QazAqparat tilshisi.

Sot otyrysynda ótken jyldyń jeltoqsan aıynda balyqtyń jappaı qyrylýyna aıypty «Atyraý sý arnasy» KMM-niń burynǵy dırektory, onyń orynbasary men sý tazartý stansysynyń burynǵy basshysyna qatysty aıyptaý qorytyndysy oqyldy.

Kásiporynnyń burynǵy dırektoryna QR Qylmystyq kodeksiniń 371-inshi (Salǵyrttyq), 204-inshi (Asa iri kólemde zalal keltire otyryp, ózgeniń múlkin joıý), 328-inshi (Qorshaǵan ortaǵa asa iri mólsherdegi zalalǵa alyp kelgen jerústi sýyn lastaý) baptary boıynsha kiná taǵylyp otyr.

Sot aldynda jýap berip otyrǵan ózge tulǵalar QR Qylmystyq kodeksiniń 328-inshi jáne 204-inshi baptarymen aıyptalýda.

Kúdiktiler óz kinálaryn moıyndamaıtyndyqtaryn jetkizdi. Sot talqylaýy jalǵasýda.

Eske salaıyq, QR ІІM tergeý tobynyń nusqasy boıynsha, 2018 jyldyń jeltoqsanynda balyqtyń jappaı qyrylýy «Atyraý sý arnasy» KMM-niń Jaıyq ózenine quramynda hlory kóp sýdy tógýinen bolǵan. Saldarynan barlyǵy 120 tonna balyq, sonyń ishinde 101 tonna bekire tuqymdas balyq qyryldy.

Joǵary qaraı