Aýa raıy
Astana 17 °S
Almaty 13 °S
valıýta baǵamy
USD 386.80
EUR 429.27
RUB 5.78
CNY 54.89

Túrkistan: Evakýatsııalyq ortalyqtardaǵy turǵyndarǵa jaǵdaı jasaldy

2019 jyldyń 25 maýsym 2019 21:50 607

TÚRKІSTAN. QazAqparat Qazirgi tańda Arys qalasynan qaýipsiz aımaqqa kóshirilgen halyqqa oblystyq ákimdik tarapynan barlyq qolaıly jaǵdaı jasalýda, dep habarlaıdy QazAqparat Túrkistan oblysy ákiminiń baspasóz qyzmetine silteme jasap.

Arnaıy jumysshy top qurylǵan. Eriktiler de óz kómekterin aıamaýda. ıAǵnı, úı-jaıyn tastap ketken turǵyndar eshnárseden taryǵyp jatqan joq. 22 qonystandyrý ornyna 3566 adam jaıǵastyrylǵan. Onyń 623-i balalar. Barlyǵy túgel azyq-túlikpen qamtamasyz etilgen. Máselen, Tórearyq aýylyndaǵy Táýke han atyndaǵy mektepte 24 maýsym kúni 347 adam kelip tirkelgen. Qazirgi tańda ornalasqandardyń sany 89 adam. Onyń beseýi bes jasqa deıingi kishkentaı bala. Azyq-túlik ýaqtyly jetkizilip jatyr.  Kıim-keshekke deıin tolyq qamtamasyz etilýde. Sondyqtan bolar, ondaǵy halyq mán-jaıdy bilýge barǵan BAQ ókilderine ózderiniń rızashylyqtaryn jetkizdi.

«Ordabasy aýdanyna qarasty Táýke han atyndaǵy mektepte, ózderińiz kórip turǵandaı ornalastyrylǵan adamdarǵa barlyq jaǵdaı jasalýda. Ár adamnyń jeke basy úshin gıgıenalyq zattar taratylýda. Odan ózge kıim, aıaqkıim berilip jatyr. Syrtta áskerı palatkalarda arnaıy dýshtar qoıylǵan. Tamaq ishý oryndary qarastyrylǵan, mekteptiń sport zalynda 200 adam erkin tamaqtana alady», - dedi Tólebı aýdany ákiminiń orynbasary Ǵalymjan Tólepov.

 Jalpy qonystandyrý ortalyqtarynyń jumysy tótenshe jaǵdaı tolyq sheshimin tapqansha jalǵasady.



null 

null 

null 

 

Joǵary qaraı