Aýa raıy
Astana 3 °S
Almaty 15 °S
valıýta baǵamy
USD 386.70
EUR 427.15
RUB 6.06
CNY 54.57

Jyl basynan beri áskerdegi sybaılas jemqorlyq qylmystary 85% azaıǵan

2019 jyldyń 20 maýsym 2019 11:03

NUR-SULTAN. QazAqparat - Qazaqstan Respýblıkasynyń Prezıdenti - QK Joǵary Bas qolbasshysy Qasym-Jomart Toqaevtyń tapsyrmalaryn oryndaý aıasynda armııadaǵy sybaılas jemqorlyqqa qarsy keshendi profılaktıkalyq jumystar júrip jatyr. Bul jóninde Qorǵanys mınıstrliginiń baspasóz qyzmetine silteme jasap QazAqparat habarlaıdy.

Statıstıkalyq derekterge sáıkes, Qarýly Kúshterde bıylǵy bes aıda sybaılas jemqorlyq qylmystary 85% qysqarǵan.

«Bul - osy baǵyttaǵy aldyn alý jumystary men sybaılas jemqorlyqtyń sebepterin tereń taldaýdyń nátıjesi. Búgingi tańda Qazaqstannyń Qarýly Kúshterinde áskerı tártipti jáne armııadaǵy quqyqtyq tártipti nyǵaıtýǵa baǵyttalǵan «Armııada qylmyskerlerge oryn joq» baǵdarlamasy iske asyrylyp keledi» delingen habarlamada.

Qarýly Kúshterdegi sybaılas jemqorlyq týraly zańnamanyń oryndalýyn baqylaý jónindegi komıssııaǵa erekshe mártebe berildi. Endi ol keshendi taldaý jumystarymen, paraqorlyq kórinisterine jol bermeıtin qyzmetti uıymdastyrýdyń jańa formalaryn engizýmen aınlysyp otyr.

Budan bólek, paraqorlyq qylmystaryn jasaý táýekeli joǵary laýazymdarǵa taǵaıyndalatyn tulǵalarǵa qatysty polıgrafologııalyq tekseris turaqty túrde júrgiziledi.

Memlekettik qyzmet kórsetý protsesterin ońtaılandyrý jáne avtomattandyrý jumystary jalǵasyn taýyp otyr. Sonyń nátıjesinde qyzmet kórsetý merzimderi 15 jumys kúninen 5 jumys kúnine deıin qysqardy ári talap etiletin qujattardyń paketi de juqara tústi.

Mınıstrliktiń málimetinshe, Qarýly Kúshterde sybaılas jemqorlyqty túbirimen joıý jumysy jalǵasýda.

Joǵary qaraı