Aýa raıy
Astana 8 °S
Almaty 11 °S
valıýta baǵamy
USD 389.62
EUR 429.98
RUB 6.06
CNY 55.08

Shaıbaly hokkeı: Fınlıandııa álem chempıony atandy

2019 jyldyń 27 mamyr 2019 02:36

NUR-SULTAN. QazAqparat - Búgin shaıbaly hokkeıden álem chempıonaty máresine jetti, dep habarlaıdy QazAqparat tilshisi.

Álem chempıonaty 1920 jyldan beri ótkizilip keledi. Bıyl 83 márte jalaýyn kóterdi. Dúbirli dodada Slovakııanyń Bratıslava jáne Koshıtse qalalarynda 10-26 mamyr aralaǵynda bolyp ótti.

Búgin aqtyq saıysta Fınlıandııa jáne Kanada quramalary kezdesti. Oıyn barysynda aldymen kanadalyqtar esep ashqan edi. Ony 10-mınýtta Teodor Shı oryndady. Degenmen ekinshi kezeńde fınder tarazy basyn teńestirdi. Atap aıtqanda, 22-mınýtta Marko Anttılla shaıba saldy. Fın hokkeıshileri úshinshi kezeńde alǵa shyqty. Bul joly da Marko Anttılla mergendik tanytty. Al 55-mınýtta fınder qatarynan Harrı Pesonen qorytyndy esepti belgiledi. Fınlıandııa osylaısha Kanadany 3:1 esebimen jeńdi.

Aıta keterligi, búgingi kúnge deıin Fınlıandııa quramasy nebári eki márte álem chempıony atanǵan edi. Aldymen 1995 jyly altynnan alqa taqsa, odan keıin 2011 jyly dál sol jetistigin qaıtalady. Al Kanada quramasy 26 márte dúnıejúzilik dodada dara shyqty. Sońǵy ret 2016 jyly chempıondyqqa qol jetkizdi.

Fınlıandııa quramasy bıyl A dıvızıonynda ekinshi oryn aldy. Bul topta birinshi oryn búgingi qarsylasy - Kanadaǵa buıyrdy. Odan keıin fın jigitteri 1/4 fınalda Shvetsııany overtaımda 5:4 esebimen jeńdi. Jartylaı fınalda Reseıdi 1:0 esebimen tize búktirdi.

Al Kanada quramasy A tobynda birinshi oryn alyp shyqqannan keıin 1/4 fınalda Shveıtsarııany overtaımda 3:2 esebimen jeńse, jartylaı fınalda Chehııadan 5:1 esebimen basym tústi.

Sondaı-aq, búgin úshinshi oryn úshin saıys ótti. Onda Reseı Chehııany býllıtten 3:2 esebimen jeńdi.

Búgingi kúnge deıin chempıon ataný jóninen SSSR men onyń murageri Reseı quramasy 26 altyn medalmen kósh bastap tur. SSSR 22 jáne Reseı 5 márte chempıon atanǵan edi. Odan keıingi oryndaǵy Kanada -26, Chehoslovakııa (Chehııa) -12, Shvetsııa - 11, AQSh -2, Fınlıandııa -2, Ulybrıtanııa -1, Slovakııa -1 márte osyndaı tabysqa qol jetkizgen bolatyn.

Shaıbaly hokkeıden 2020 jylǵy álem chempıonaty keler jyly Shveıtsarııanyń Tsıýrıh jáne Lozanna qalalarynda ótkiziledi. Dúbirli doda 8-24 mamyr aralyǵynda bolady. Esterińizge sala ketelik, oǵan bizdiń Qazaqstan quramasy da qatysady. Bizdiń qurama bıyl birinshi dıvızıonnyń A tobynda birinshi oryn alyp, A dıvızıonyna beriletin joldamaǵa ıe bolǵan edi.

Avtor Ádiljan Úmbet
Basty sózder: Álem, Sport,
Joǵary qaraı