Aýa raıy
Astana 6 °S
Almaty 7 °S
valıýta baǵamy
USD 389.94
EUR 433.50
RUB 6.10
CNY 55.13

Dáýren Nuralınov «Halyq Barysy» atandy

2019 jyldyń 26 mamyr 2019 19:33

ALMATY. QazAqparat - Almatyda 25-26 mamyr kúnderi «Suńqar» halyqaralyq shańǵy tramplınder kesheninde qazaq kúresiniń bir tarmaǵy - beldesýden respýblıkalyq týrnır ótti.

Atalǵan kúres túrinen baq synaýǵa Qazaqstannyń barlyq aımaǵynan 1 myńǵa jýyq balýan keldi. Jarystyń birinshi kúni olar irikteý kezeńinen ótti. Al týrnırdiń ekinshi kúni 32 balýan ózara kúsh synastyú

І oryn ıelengen Dáýren Nuralınovqa (Almaty qalasy) 9 mln teńge, dıplom, medal, shapan syıǵa tartyldy. Jattyqtyrýshysy Qıqymov Maqsatqa 1 mln teńge berildi.

ІІ oryn alǵan Talǵat Jıentaevqa (Qostanaı oblysy) 4,5 mln teńge, dıplom, medal, shapan syıǵa tartyldy. Jattyqtyrýshysy Jıentaev Toqtarǵa 500 myń teńge berildi.

ІІІ oryndaǵy Ǵalymjan Qyryqbaevqa (Jambyl oblysy) 2,7 mln teńge, dıplom, medal, shapan syıǵa tartyldy. Jattyqtyrýshysy Aqbergenov Bahtııarǵa 300 myń teńge tabystaldy.

ІV oryndaǵy Ernar Maǵaýınov (Almaty qalasy) 1,8 mln teńge, dıplom, medal, shapan syıǵa tartyldy. Jattyqtyrýshysy Nasıev Ermek, 200 myń teńge berildi.




nullEkinshi ret ótken «Halyq Barysy» týrnırinde «Rýhanı jańǵyrý» maqalasyn iske asyrý maqsatynda umyt qalǵan kóne balýandyq ónerimiz «beldesý» sport túrin qaıta jańǵyrtýdy júzege asyrý, jastardy sportqa tartý, qazaq halqynyń ulttyq sport túrlerin nasıhattap, sporttyq salt-dástúrin saqtaýǵa jumyldyrý maqsatynda uıymdastyryldy.

Halyq arasynan shyǵatyn barysty anyqtaý sharasyn QR Mádenıet jáne sport mınıstrligi, QR Qazaq kúresi federatsııasy jáne «Qazaqstan Barysy» qazaq kúresin damytý qory Almaty qalasy ákimdiginiń qoldaýymen ótkizdi.

Kúres merekesine QR Mádenıet jáne sport vıtse-mınıstri E.Ramazanov, Almaty qalasynyń ákimi B.Baıbek, Máskeý olımpıadasynyń jeńimpazy J.Úshkempirov, QR eńbek sińirgen sport qaıratkeri D.Bıtkózov, QR Qazaq kúresi federatsııasynyń prezıdenti A.Shoraevtar qatysty.

Sondaı-aq, shara barysynda «Alashuly», «Ulytaý», «Turan», «Aldaspan» toptary óner kórsetip, ulttyq qundylyqtar men atrıbýttar nasıhattalatyn teatrlandyrylǵan shoý jáne akrobatıkalyq kórsetilimder, at ústindegi ulttyq sport túrleriniń erekshelikteri, semserlesý kórsetildi.

Basty sózder: Sport, Qazaq kúresi, Almaty,
Joǵary qaraı