Aýa raıy
Astana 34 °S
Almaty 32 °S
valıýta baǵamy
USD 383.43
EUR 432.47
RUB 6.12
CNY 55.78

Áleýmettik jelide saılaý jóninde saýalnama júrgizgenderge aıyppul salyndy

2019 jyldyń 23 mamyr 2019 11:23 1257

NUR-SULTAN. QazAqparat - Bas prokýratýra azamattardy saılaý zańnamasyn buzbaýǵa shaqyrady, dep habarlaıdy QazAqparat QR Bas prokýratýrasynyń baspasóz qyzmetine silteme jasap.

«QR Bas prokýratýrasy el prezıdentiniń kezekten tys saılaýy barysynda zańdylyqty, onyń ishinde «Qazaqstan Respýblıkasyndaǵy saılaý týraly» Konstıtýtsııalyq zańda kózdelgen qoǵamdyq pikirge saýal salýdy júrgizý sharttarynyń saqtalýyn erekshe baqylaýda ustaýda», delingen habarlamada.

Vedomstvonyń málimetinshe, ınternet jelisinde osy zańnyń talaptaryn buzýǵa qatysty birneshe oqıǵa tirkelgen.

«Naqty aıtqanda, Nur.kz ınternet-resýrsynyń menshik ıesi Ortalyq saılaý komıssııasyna mindetti túrdegi habarlaýsyz saýalnama júrgizý faktisi anyqtaldy. Sonymen qatar áleýmettik jelilerde osyndaı saýalnama júrgizý baıqalady», delingen habarlamada.

Prokýratýra atalǵan faktiler boıynsha quqyq buzýshylardy ákimshilik jaýapkershilikke tartqan.

«Atap aıtqanda, «VKontakte» áleýmettik jelisinde saılaý boıynsha qoǵamdyq pikirge saýal salǵan (ÁQBtK 120-baby 3-tarmaǵy) Almaty qalasynyń turǵyny 17 mamyrda 15 AEK mólsherinde (37 875tg) aıyppul salyndy.

Osyǵan uqsas «Facebook» áleýmettik jelisinde jasalǵan quqyq buzýshylyq úshin Almaty oblysynyń turǵyny ákimshilik jaýaptylyqqa tartyldy», delingen habarlamada.

Bas prokýratýra azamattarǵa saılaý protsesi barysynda zańdylyqty saqtaý qajettiligi jáne QR Ákimshilik quqyq buzýshylyq týraly kodekstiń 120-babynda saılaýǵa baılanysty qoǵamdyq pikirge saýal salýdy júrgizý sharttaryn buzǵany úshin jaýaptylyq kózdelgeni týraly eske salady.

Prokýratýra azamattarǵa muqııat bolyp, áleýmettik jelilerdegi jeke akkaýnttaryn úshinshi tulǵalarǵdyń quqyqqa qaıshy maqsattarda paıdalanýyna jol bermeýdi usynady. 

 

 

Joǵary qaraı