Aýa raıy
Astana 18 °S
Almaty 19 °S
valıýta baǵamy
USD 384.39
EUR 431.71
RUB 6.11
CNY 55.88

«Eır Astananyń» taǵy bir ushaǵy Máskeý áýejaıyna oralýǵa májbúr boldy

2019 jyldyń 21 mamyr 2019 23:49 2012

MÁSKEÝ. QazAqparat - Máskeýden ushyp shyqqan «Eır Astana» kompanııasynyń ushaǵy tehnıkalyq sebepterge baılanysty Sheremetevo áýejaıyna qaıta oraldy, dep habarlaıdy QazAqparat.

«Búgin «Eır Astana» avıakompanııasynyń «Nur-Sultan-Máskeý (Sheremetevo)» baǵyty boıynsha KZR873 reısiniń ushaǵy tehnıkalyq sebepterge baılanysty ushyp shyqqan áýejaıyna qaıtyp oraldy. A321 áýe kemesi saǵat 21:57-de sátti qondy. Bortynda 127 jolaýshy men ekıpajdyń 8 múshesi boldy», - delingen QR Indýstrııa jáne ınfraqurylymdyq damý mınıstrligi Azamattyq avıatsııa komıtetiniń Facebook-tegi málimetinde.

Aıta keteıik, osydan birer kún buryn reseılik BAQ «Nur-Sultan-Máskeý» reısin oryndaý úshin Sheremetevo áýejaıynan ushyp shyqqan «Eır Astana» ushaǵy qozǵaltqyshyndaǵy aqaýǵa baılanysty qaıta oralýǵa májbúr bolǵanyn jazǵan edi.

Alaıda, keıin «Eır Astana» áýekompanııasy ushaqtyń áýejaıǵa apattyq jaǵdaıda qonǵany týraly aqparattyń shyndyqqa janaspaıtynyn málimdedi.

«16 mamyr kúni Nur-Sultan - Máskeý baǵyty boıynsha KS873 reısimen ushyp shyǵýy tıis ushaq 40 mınýtqa keshikti. Oǵan «keıinge qaldyrýǵa bolatyn jaramdy defekt» sebep bolǵan. Degenmen, ol aqaý ushaqty odan ári eksplýatatsııalaýǵa múmkindik bererlik deńgeıde shaǵyn bolǵan», - dep málim etken edi kompanııanyń baspasóz qyzmetinen.

Habarlanyp otyrǵandaı, ekıpaj komandıri Sheremetevo áýejaıyna qonbas buryn shekteýlerdi esepke ala otyryp, toqtaý úshin uzaq jolaqtyń qajet bolýyna baılanysty áýejaıdyń ushyp-qoný jolaǵyn tolyq berýdi suraǵan.

«Áýe kemesiniń komandıri eshqandaı apattyq qoný jaǵdaıy týraly habarlaǵan joq. Qoný shtattyq rejimde júrgizilip, jolaýshylar termınaldyń «jeńi» (teletrap - avt) arqyly shyqty. Keıinge qaldyrýǵa bolatyn jaramdy defekt - áýe kemesiniń ıdentıfıkatsııalyq aqaýy. Oǵan Mınımaldy qurylǵy tiziminiń (MEL) nemese Konfıgýratsııanyń aýytqýshylyq tiziminiń shegindegi aqaý retinde baǵa berildi. Aqaý kórsetilgen shek deńgeıinde qalpyna keltirildi», - delindi habarlamada.

 

 

 

 

 

Avtor Mıra Tólendiqyzy
Basty sózder: Qoǵam, Reseı, Oqıǵa,
Joǵary qaraı