Aýa raıy
Astana 28 °S
Almaty 36 °S
valıýta baǵamy
USD 383.98
EUR 430.63
RUB 6.11
CNY 55.83

Qazaqstannyń volonter jastary Máskeýdegi Jeńis sherýine qatysady

2019 jyldyń 21 mamyr 2019 23:36 821

QOSTANAI. QazAqparat - Qazaqstandyq erikti jastar Reseıdiń «Jeńis volonterleri» qoǵamdyq qozǵalysynyń ortalyq shtabynan shaqyrtý aldy, dep habarlaıdy QazAqparat tilshisi.

«Jeńis volonterleri» qoǵamdyq qozǵalysy ortalyq shtabynyń tóraıymy Olga Amelchenkova Qasym-Jomart Toqaevtyń qatysýymen Qostanaıda ótken halyqaralyq forým barysynda Reseıdegi volonterlik qozǵalysynyń jumystaryn tanystyrdy. Ol Ekinshi dúnıejúzilik soǵystaǵy Jeńistiń 75 jyldyǵy qarsańynda atqarylatyn sharalarmen bólisti.

«Biz Jeńistiń 75 jyldyǵy sheńberinde ár eldiń volonterlerin jınamaqpyz. Osy sharaǵa qazaqstandyq jastardy da shaqyramyz. Bizdiń basty uranymyz - soǵysty endi boldyrmaý. Ekinshi dúnıejúzilik soǵystyń zardaptary sanamyzdan áli ketpedi. Osy turǵyda eriktiler shtabynyń jobalaryna álemniń 50-den astam memleketi qoldaý bildirdi. Kórshi el de shet qalmaıdy dep senemin», - dedi Olga Amelchenkova.

Memleket basshysy bul shaqyrtýdy tolyǵymen qoldaıtynyn jetkizdi. Osylaısha, qazaqstandyq erikti jastar 2020 jyly Máskeýde ótetin Jeńis sherýine qatysýǵa múmkindik aldy.

Qostanaılyq stýdent Sánııa Esmuratovanyń sózinshe, bul - Jastar jylynyń tosynsyıy.

«Men oblysta ótetin mádenı sharalarda volonter bolyp júrmin. Jumysym ózime unaıdy. Bastysy, azamattyq ustanymymyzdy emin-erkin bildire alamyz, sonymen qatar qoǵamdyq sharalardyń bel ortasynda júremiz. Endi Reseıde ótetin jeńis sherýine barýǵa múmkindik alyp otyrmyz. Bul biz úshin kútpegen jańalyq boldy», - deıdi volonter.

Eske salsaq, Qasym-Jomart Toqaev Qostanaı oblysyna jumys sapary barysynda Qazaqstan-Reseı jastarynyń halyqaralyq forýmyna qatysty.

 

 

Joǵary qaraı