Aýa raıy
Astana 27 °S
Almaty 36 °S
valıýta baǵamy
USD 383.98
EUR 430.63
RUB 6.11
CNY 55.83

Elordalyq mádenıet qyzmetkerleri tól merekesin atap ótti

2019 jyldyń 21 mamyr 2019 21:28 1011

NUR-SULTAN. QazAqparat - Búgin mádenıet salasynyń qyzmetkerleri tól merekesin atap ótti. Ataýly kúnge oraı óner maıtalmandary «Jastar» teatrynda ótken dóńgelek ústel otyrysynda elordadaǵy mádenıettiń damý perspektıvalaryn, sondaı-aq 9 maýsymda ótetin Prezıdent saılaýyna daıyndyq máselelerin talqyǵa saldy. Bul týraly qalalyq mádenıet jáne sport basqarmasyna silteme jasap QazAqparat habarlaıdy.

Mádenıet salasynyń úzdik qyzmetkerleri qalalyq Mádenıet jáne sport basqarmasynyń basshysy Bolat Majaǵulovtyń atynan alǵys hatpen marapattaldy. Basqarmanyń kadrlar bóliminiń basshysy Orazhan Sádýaqasova gramota tabystap, mereke ıelerin quttyqtady.

«Óner - halyqtyń jany. Sizder óner arqyly barshaǵa baqyt pen qýanysh syılaısyzdar. Biz Sizder qol jetkizgen jetistikterdi maqtan etemiz. Búgingi tól merekelerińizben quttyqtaımyn jáne halqymyzdyń ıgiligi úshin eren eńbek etip júrgenderińiz úshin rızashylyǵymdy bildiremin», - dedi ol.


null 

Shara barysynda Memlekettik fılarmonııa, Astanalyq tsırk, «Naz» Memlekettik bı teatry, Qýyrshaq teatry, Q.Qýanyshbaev atyndaǵy qazaq mýzykalyq drama teatry, M.Gorkıı atyndaǵy orys drama teatry jáne Qýyrshaq teatrynyń artısterine alǵys hattar tapsyryldy. Sonymen qatar, Sáken Seıfýllın mýzeıi, «Atameken» Qazaqstan kartasy» etno-memorıaldyq kesheni, Saıası qýǵyn-súrgin jáne totalıtarızm qurbandarynyń «ALJIR» memorıaldyq-mýzeı kesheni, Ortalyqtandyrylǵan kitaphana júıesi, «Jastar» saraıy, Táýelsizdik saraıy, Beıbitshilik jáne kelisim saraıy, «Báıterek» monýmenti, Tarıhı-mádenı mura eskertkishteri men obektileriniń saqtalýyn qamtamasyz etý jónindegi dırektsııa qyzmetkerleri laıyqty nagradalaryn aldy.


null

Qazirgi kezde elordada 67 mádenıet mekemesi jumys isteıdi, onyń ishinde- 20 kitaphana, 7 saraı, 5 mýzeı, 8 teatr, 8 kınoteatr, 4 galereıa, bir tsırk, 3 kontsert uıymy jáne 8 saıabaq bar. Budan basqa, 46 tarıhı jáne mádenı eskertkish bar.

 

 

 

 

 

Basty sózder: Óner, Mádenıet, Nur-Sultan,
Joǵary qaraı