Aýa raıy
Astana 6 °S
Almaty 8 °S
valıýta baǵamy
USD 389.94
EUR 433.50
RUB 6.10
CNY 55.13

Bıyl Qazaqstannyń úsh qalasynda 5G engiziledi

2019 jyldyń 21 mamyr 2019 15:32

NUR-SULTAN. QazAqparat - QR Premer-Mınıstri Asqar Mamın Qazaqstanda «besinshi býyn» baılanys jelisin engizý máseleleri týraly keńes ótkizdi, dep habarlaıdy primeminister.kz.

Keńes barysynda tsıfrlyq ekonomıka men zattar ınternetin damytý úshin múmkindikterdi keńeıtýge jańa tehnologııany engizýdiń yqpaly talqylandy (IoT).

QR Úkimetiniń basshysy beriletin derekterdiń aǵymynyń jyldamdyǵy men ótkizgishtik qabiletin arttyrý TKSh, aýyl sharýashylyǵy, ónerkásip, densaýlyq saqtaý salalarynda jobalardy iske asyrýda telemedıtsıany damytý, Smart City komponenterin engizý, halyqtyń qaýipsizdigin qamtamasyz etý boıynsha jumystardyń tıimdiligin arttyrý t.b. turǵysynan salmaqty serpin beretinin baıandady.

QR Tsıfrlyq damý, qorǵanys jáne aeroǵarysh ónerkásibi mınıstrliginiń málimetterinshe, Qazaqstan AQSh, Ońtústik Koreıa, Shveıtsarııa, Estonııa elderimen qatar jańa jelini engizýdi pılottaýǵa kóshken álem elderiniń ondyǵyna kiredi.

El aýmaǵyn 5G qamtý úshin ınfraqurylym jasaý boıynsha jumystar aıasynda osy jyldyń sońyna deıin Nur-Sultan, Almaty, Shymkent qalalarynda pılottyq jobany iske asyrý josparlanǵan. Jalpy, 5G baılanys jelisimen adamdar sany 50 myńnan asatyn barlyq eldi mekender qamtylady dep kútilýde.

Talqylaý qorytyndysy boıynsha QR Premer-Mınıstri Asqar Mamın Qazaqstanda 5G engizý boıynsha Sharalar josparyn ázirleýdi tapsyrdy.

Keńeske QR tsıfrlyq damý, qorǵanys jáne aeroǵarysh ónerkásibi mınıstri A. Jumaǵalıev, QR ındýstrııa jáne ınfraqurylymdyq damý mınıstri R. Sklıar, «Qazaqtelekom» AQ basqarma tóraǵasy Q. Esekeev jáne t.b. qatysty.

Joǵary qaraı