Aýa raıy
Astana -9 °S
Almaty 0 °S
valıýta baǵamy
USD 388.70
EUR 428.70
RUB 6.08
CNY 55.46

Jońǵar Alataýynyń bókterinde sıvers almasy gúldedi

2019 jyldyń 20 mamyr 2019 18:41

TALDYQORǴAN. QazAqparat - Jońǵar Alataýynyń bókterinde sıvers almasy gúldedi. Osyǵan qaraı Sarqan aýdany, Topolevka aýylynda ekinshi jyl qatarynan festıval uıymdastyrylýda, dep habarlaıdy QazAqparat tilshisi.

Elbasy N. Nazarbaev «Uly dalanyń jeti qyry» atty maqalasynda Qazaqstan alma men qyzǵaldaqtyń Otany dep atap ótken bolatyn. Búginde bul fakt ǵylymı turǵyda dáleldenip otyr. Al Jońǵar Alataýy memlekettik ulttyq tabıǵı parki aýmaǵynda ósetin jabaıy sıvers almasy álemdegi barlyq sorttardyń arǵy atasy. Dál osy jabaıy jemistiń gúldený sátin tamashalaýǵa sońǵy jyldary halyq shetelden de arnaıy keletin bolyp júr. Almaty oblystyq týrızm basqarmasy men Sarqan aýdanynyń ákimdigi óńirde týrızmdi damytý maqsatynda festıval uıymdastyryp, qazaqtyń mádenıetin tanytýdy qolǵa aldy.

«Elder estise, elder kórse, elder bilse jerdi de tanıdy. Almanyń naǵyz ósken jerin tamashalaýǵa keledi. Bul týrızm. Týrızm degen jańa jumys oryndary degen sóz», deıdi aýdan basshysy Marat Razbekov.



null

Festıval aıasynda ulttyq oıyndar oınatylyp, salt-dástúrlerimiz ulyqtalyp, qonaqtarǵa qazaq halqynyń baı dastarhan máziri usynyldy. Arnaıy jol talǵamaıtyn kóliktermen alma gúldeıtin jerlerge saıahattar uıymdastyrylyp, týrıster gúlge oranǵan jemis qushaǵynda sýretke túsý múkindigine ıe boldy. Ulttyq park qyzmetkerleri almanyń tarıhy týraly maǵlumat berip, jabaıy aǵashty qorǵap qalý baǵytyndaǵy jumystar túsindirildi.



null

Jońǵar Alataýy ulttyq parki Sarqan fılıaly dırektorynyń orynbasary Toǵjan Aıqulaqovanyń aıtýynsha, jyl saıyn 2 myń túp sıvers almasynyń kósheti egiledi. 2017 jyldan beri alma qory birneshe gektarǵa ulǵaıǵan.



null

Bolashaqta oblystyq týrızm basqarmasy men jergilikti bılik festıval aıasyn keńeıtip, halyqaralyq deńgeıde ótkizbek.



null

Joǵary qaraı