Aýa raıy
Astana -4 °S
Almaty 7 °S
valıýta baǵamy
USD 389.98
EUR 434.01
RUB 6.10
CNY 55.04

Túrkistan oblysynda 24 myńnan astam oqýshy mektepti aıaqtaıdy

2019 jyldyń 19 mamyr 2019 08:49

TÚRKІSTAN. QazAqparat - Bıyl Túrkistan oblysynda 24 061 oqýshy 11-synypty aıaqtaıdy. Bul týraly Óńirlik kommýnıkatsııalar qyzmetinde ótken brıfıngte oblystyq bilim basqarmasy basshysynyń orynbasary Ardaq Sadyqova málim etti, dep habarlaıdy QazAqparat.

QR Bilim jáne ǵylym mınıstrligi bekitken Ulttyq biryńǵaı testileýdi uıymdastyrý qaǵıdalaryna sáıkes, testileý 2019 jyldyń 20 maýsymy men 5 shildesi aralyǵynda ótedi.

Bıyldan bastap Ulttyq biryńǵaı testileýdi jylyna 4 ret tapsyrýǵa bolady: qańtar, naýryz, maýsym jáne tamyz aılarynda. Qańtar, naýryz jáne tamyzdaǵy testileýdiń nátıjesimen bitirýshi aqyly túrde oqýǵa túsýge múmkindik alady. Maýsymdaǵy test - memlekettik grant negizinde tegin oqýǵa túsýge múmkindik beredi. Jalpy UBT tapsyrý erejesinde ózgerister joq. UBT-ǵa qujattar qabyldaý aǵymdaǵy jylǵy 1 sáýirde bastalyp, 10 mamyrda aıaqtaldy.

«Túrkistan oblysynda UBT ótetin 15 pýnkt bar. Olardyń 1-eýi joǵary oqý ornynyń bazasynda, 2-eýi kolledjderde, 12-si orta mektepterde ornalasqan. 2019 jyldyń qańtar aıynda alǵashqy ret aqyly túrde 5206 bitirýshi test tapsyrdy. Onyń qorytyndysy boıynsha oblystyń ortasha baly 58,3-ti qurady. Naýryz aıynda 14375 túlek aqyly testke ótinish berip, 14 208-i testke qatysty. Ortasha ball - 79,5», - delingen oblys ákimdiginiń aqparatynda.

Málim bolǵandaı, bıyl oblysta UBT-ǵa 16 myńnan astam adam qatysady.

Sonymen qatar mektepterge engizilgen «BILIMLEND» elektrondyq platformasyndaǵy «Іtest» júıesinde UBT-ǵa tegin daıyndalýǵa jáne Ulttyq testileý ortalyǵynyń saıtynda testi aqyly tapsyrýǵa múmkindik qarastyrylǵan.

Budan bólek, oblysta «EDTECH-KZ» halyqaralyq bilim ortalyǵynyń «KASIP TEST» jeke tulǵanyń kásibı dıagnostıkasynyń avtomattandyrylǵan júıesi arqyly mektep bitirýshilerge onlaın túrde kásibı dıagnostıkalaý júrgizildi. Oǵan 11-synyptaǵy 24 183 oqýshynyń 21542-i qatysty.

Basty sózder: Túrkistan oblysy, Aımaq, Bilim,
Joǵary qaraı