Aýa raıy
Astana -4 °S
Almaty 1 °S
valıýta baǵamy
USD 388.81
EUR 429.01
RUB 6.08
CNY 55.49

Elordany onyń negizin qalaǵan tulǵanyń atymen Nur-Sultan dep ataý oryndy - Ashat Nalshybek

2019 jyldyń 22 naýryz 2019 11:22

ASTANA. QazAqparat - Elordanyń negizin qalaýshy tulǵanyń atymen qalany Nur-Sultan dep ataý óte oryndy. «Jas sarbaz» áskerı-patrıottyq qozǵalysynyń tóraǵasy Ashat Nalshybek bildirdi, dep habarlaıdy QazAqparat tilshisi.

Shyndyǵynda bul máselege oraı pikirimdi bildirgim kelmep edi. Sebebi qazirgi ýaqytta elimizge esimi belgili azamattar pikir bildirip, bilikti sarapshylar ún qosyp, qala ataýyn Nur-Sultan dep ózgertýdi jurtshylyqqa dáıekti túrde túsindirip jatyr. Degenmen, messendjerlerde, áleýmettik jelide qala ataýyn ózgertý týraly úndeý jasap, qol jınap júrgenderdiń deni zamandastarym eken. Sondyqtan pikirdimdi bildirgenim jón bolar», - dedi ol.

Qozǵalys jetekshisi qazirgi ýaqytta qoǵamda qala ataýyn ózgertýge keıbireýlerdiń qarsylyq tanytyp júrgendigin atap ótip, olar áreketteri durys emestigine nazar aýdartty.

«Osy oraıda bir jaıtty eske túsirýge bolady. Kezinde Elbasymyz elordamyzdy Almatydan Aqmolaǵa kóshirý týraly tarıhı sheshim qabyldaǵanda muny qoldamaǵandar kóp bolǵan edi. «Astana salý qıyn, qalaı kóshiremiz» deýshiler kóp boldy. Biraq, ultty quraýshy halyqtyń soltústiktegi úlesin arttyrý úshin Astanany saldy, elimizdiń elordasyna aınaldyrdy. Sondyqtan osy qalanyń negizin qalaýshy, sáýletshisi, qurylysshysy Tuńǵysh Prezıdentimiz - Elbasymyzdyń atymen elordamyzdy Nur-Sultan dep ataý óte oryndy», - dep túıindedi oıyn Ashat Nalshybek.

Joǵary qaraı