Aýa raıy
Astana 1 °S
Almaty 6 °S
valıýta baǵamy
USD 388.70
EUR 428.70
RUB 6.08
CNY 55.46

Óńirlerde uly qaıratkerlerdiń kósheleri ózgertilmeýi tıis - Dáýren Abaev

2019 jyldyń 21 naýryz 2019 18:03

ASTANA. QazAqparat - QR Aqparat jáne qoǵamdyq damý mınıstri Dáýren Abaev "Ashyq dıalog" baǵdarlamasynda óńirlerdegi kóshe ataýlarynyń ózgerýi týraly pikir bildirdi , dep habarlaıdy QazAqparat tilshisi.

"Óńirlerdiń kópshiligi ortalyq kóshelerine QR Tuńǵysh Prezıdentiniń atyn berdi. Biraq búgin Respýblıkalyq onomastıkalyq komıssııasynyń otyrysy ótti. Onda Atyraý, Aqtóbe, Qostanaı, Taraz qalalary boıynsha ózge kósheler men nysandardy qaraý usynyldy. Muny jarysqa aınaldyrmaýymyz kerek. Abaı, Tóle bı, Ábilqaıyr han jáne halqymyzdyń ózge de uly qaıratkerleriniń kósheleri mádenı-tarıhı turǵyda asa qundy. Sondyqtan, komıssııa osyndaı sheshim qabyldady", - dedi Dáýren Abaev.

Aıta keteıik, buǵan deıin Respýblıkalyq onomastıkalyq komıssııa Atyraý, Aqtóbe, Qostanaı, Jambyl oblystarynyń ákimshilik ortalyqtaryndaǵy ataýyn ózgertýge usynylǵan kóshelerdi ózge obektiler men kóshelerdi anyqtaı otyryp, qaıta qaraýdy usynǵanyn habarlaǵan bolatynbyz.

Joǵary qaraı