Awa rayı
Nur-Sultan 7 °S
Almatı 12 °S
valyuta bağamı
USD 378.56
EUR 424.44
RUB 5.91
CNY 56.36

Türkіstan oblısında Polïcïya departamentіnіñ keñsesі aşıldı

2019 jıldıñ 23 aqpan 2019 01:55 804

TÜRKІSTAN. QazAqparat - Türkіstan qalasında Polïcïya departamentіnіñ janınan azamattardı qabıldawğa arnalğan xalıqtıq keñse (front-ofïs) aşıldı.

Jaña ğïmarattıñ aşılwına oblıs äkіmі Janseyіt Tüymebaev, Polïcïya departamentіnіñ bastığı Qayrat Dälbekov jäne mäslïxat depwtattarı, quqıq qorğaw organdarınıñ jetekşіlerі men BAQ ökіlderі qatıstı, dep xabarlaydı Türkіstan oblısı äkіmdіgіnіñ baspasöz qızmetі.

Xalıqtıñ keñse jeke quram jäne tergew, äkіmşіlіk polïcïya qurılımımen qamtılğan. Sonday-aq, polïcïya departamentі basşılığınıñ jeke jäne zañdı tulğalardıñ ökіlderіn qabıldaw kestesі, jeke jäne zañdı tulğalardıñ ötіnіşterіnіñ ülgіlerі іlіngen.

Aptanıñ düysenbіsі men juma künderі tañğı sağat 9:00-den 18:00-ge deyіn jumıs іsteytіn keñsede xalıq 5-10 mïnwttıñ aralığında bükіl polïcïya qızmetіne qatıstı suraqtarına jawap ala aladı.

Kompyuterler ortalıq bazağa tіrkelgendіkten kölіkterge qatıstı ayıppuldardı da körw mümkіndіgі bar. Azamattar keñsede arız-şağımdarı qaldırıp, іstіñ jürgіzіlw barısın baqılay aladı. Eñ bastısı, turğındarğa köp kezek kütpey-aq öz mäselelerіn şeşwge mümkіndіk bar. Azamattar tarapınan qoyılğan suraqtarğa Jergіlіktі polïcïya qızmetіnіñ qızmetkerlerі, Äkіmşіlіk polïcïya basqaramasınıñ qızmetkerlerі, anıqtawşılar, tergewşіler jäne qujattamamen qamtamasız etw bölіmіnіñ mamandarı jawap beretіn boladı.

Atalğan nısanda azamattardı qabıldawğa barlıq jağday jasalıp, jedel basqarw ortalığımen beynebaqılaw jüyesі tartılğan.

Polïcïya departamentі qızmetkerlerіnіñ aytwınşa, front-ofïstіñ aşılwı azamattardan kelіp tüsetіn ötіnіşterdіñ qaralw merzіmіn qısqartıp, polïcïya jumısınıñ aşıqtığın jäne suraqtardıñ jedel şeşіlwіn qamtamasız etedі. Sonday-aq sıbaylas jemqorlıqtıñ tömendewіne özіndіk septіgіn tïgіzedі.

Jañadan aşılğan ğïmarat jumısımen tanısqan oblıs äkіmі Janseyіt Tüymebaev xalıqqa qızmet körsetwdіñ sapasın tağı da jetіldіrw kerektіgіn atap ötіp, keñse jumısına sättіlіk tіledі. Munan soñ, öñіr basşısı Türkіstan oblıstıq polïcïya departamentіnіñ Türkіstandağı jaña ğïmaratımen tanıstı.

 

Bastı sözder: Türkіstan oblısı, Qoğam,
Joğarı qaray