Aýa raıy
Astana 12 °S
Almaty 19 °S
valıýta baǵamy
USD 389.52
EUR 429.21
RUB 6.07
CNY 54.94

QHL: «Barys» óziniń rekordyn jańartty

2019 jyldyń 22 aqpan 2019 23:56

ASTANA. QazAqparat - Elordalyq «Barys» qurlyqtyq hokkeı lıgasy turaqty birinshiliginde óz tarıhynda tuńǵysh ret besinshi orynǵa taban tiredi. Osylaısha rekordtyq kórsetkishke qol jetkizdi, dep habarlaıdy QazAqparat tilshisi.

Esterińizge sala ketelik, 22 aqpanda «Barys» Qytaı astanasy - Beıjiń qalasynda jergilikti «Kýnlýn Red Star» komandasyn býllıtten 3:2 esebimen jeńip qaıtty Osynyń nátıjesinde besinshi orynǵa taban tiredi.

«Barys» qurlyqtyq hokkeı lıgasynda 11 jyldan beri synǵa túsip keledi. Buǵan deıin astanalyq klýb mundaı joǵary tabysqa 2013/2014 jylǵy kezeńde qol sozyp, sol joly qurlyqtyq hokkeı lıgasy turaqty birinshiliginde jetinshi oryn aldy. Sondaı-aq, shyǵys konferentsııasynda ekinshi oryn alyp, óz dıvızıonynda kósh bastaǵanyn jankúıerler jaqsy biledi. Qalǵan ýaqytta mundaı jetistikke qol soza alǵan joq.

Sol jyly pleı-off kezeńiniń 1/4 fınaldyq satysynda Ekaterınbýrgtiń «Avtomobılıst» komandasyn jalpy esepte 4:2 esebimen jeńdi. Al 1/2 fınaldyq satysynda elordalyq klýb Ýfanyń «Salavat ıÝlaev» komandasyna 2:4 esebimen jol berip qoıdy.

«Barys» ázirge budan joǵary tabysqa qol soza almaı keledi. Bıyl sol jetistigin jańartady degen úmit bar.

Bıyl elordalyq klýb jarystyń pleı-off satysynda Nıjnıı Novgorod qalasynyń «Torpedo» komandasymen kezdesedi. Pleı-off kezeńi 26 aqpannan bastalady. Dál osy kúni «Barys» elordada atalmysh qarsylasyn qabyldaıdy. Eki komanda bireýiniń tórt jeńisine deıin oınaıdy.
Bıyl qurlyqtyq hokkeı lıgasy turaqty birinshiliginde eki márte kezdesti. Onyń bireýinde «Barys» esebimen jeńiske jetse, bireýinde «Torpedo» overtaımda 6:5 esebimen jeńiske jetti.

Avtor Ádiljan Úmbet
Basty sózder: Sport, KAZMEDIA, Qoǵam,
Joǵary qaraı