Aýa raıy
Astana 0 °S
Almaty 7 °S
valıýta baǵamy
USD 389.94
EUR 433.50
RUB 6.10
CNY 55.13

Batys Qazaqstanda qystaqqa qasqyr kirip ketti

2019 jyldyń 22 aqpan 2019 17:15

ORAL. QazAqparat - Batys Qazaqstan oblysynda qasqyr qystaqqa kirip ketti, dep habarlaıdy QazAqparat tilshisi.

Oqıǵa Bókeı ordasy aýdany Saraljyn aýyldyq okrýgine qarasty «Keribaı» qystaǵynda oryn aldy. Aýyldyq okrýg ákimi Núrken Sabırovtyń aıtýynsha, sol qystaqty qonystanyp otyrǵan Esbol Hamıtovtan mezgilsiz kelgen «qonaq» jóninde habar túsken. Aýyldan ańshylar kómekke barǵansha, sol qystaqtaǵy jigitter túz taǵysyn aıyrmen soǵyp alǵan.

E.Hamıtovtyń sol qystaqta turatyn kómekshisi Bekjan Bajenovtiń sózine qaraǵanda, malǵa shapqan qasqyr saraıǵa kirip ketken.

«Qasqyr saraıǵa kirip, kúshigimizdi talap, óltirip tastady. Biz Esentaı Esenǵalıev ekeýmiz qasqyrdy aıyrmen túırep óltirdik. Keıin kúshik ekeýin órtep jiberdik», - dedi QazAqparat tilshisine B.Bajenov.

Bir aıta ketetin jaıt, B.Bajenovtiń ákesi Ǵalymjan Bajenov - kezinde ańshy, qasqyrshy bolǵan, qazir sol aýylda ımam.

Bıyl óńirde qys qarly ári borandy bolyp tur. Búgin de Saraljyn aýylynda burqasyn soǵyp tur.

Joǵary qaraı