Aýa raıy
Astana -1 °S
Almaty 6 °S
valıýta baǵamy
USD 389.98
EUR 434.01
RUB 6.10
CNY 55.04

Jambylda jyl basynan beri gazdan ýlanǵan 3 adam qaıtys bolǵan

2019 jyldyń 21 aqpan 2019 22:55

TARAZ. QazAqparat - Jambyl oblysynda tabıǵı gazben ýlanýǵa qatysty oqıǵalar azaımaı otyr, dep habarlaıdy QazAqparat tilshisi.

Óńirde jyl basynan beri tabıǵı gazben ýlanýǵa qatysty 5 oqıǵa tirkelgen. Sonyń saldarynan 7 adam ýlanyp, onyń 3-ýi qaıtys blǵan

Oblysta 2018 jyly 22 gazben ýlaný oqıǵasy tirkelip, saldarynan 44 adam zardap shegip, onyń 9-y qaıtys boldy. 2017 jylmen salystyrǵanda ýlaný sany 10-ǵa, zardap shekkender sany 51-ge, al qaza bolǵandar sany 80 paıyzǵa artqan. Oqys oqıǵalardyń ortasha eseppen alǵanda 50 paıyzǵa jýyǵy tabıǵı gazdan bolǵan.

Bıylǵy jylytý maýsymy kezinde murjanyń bitelýi nemese peshtegi aqaý saldarynan ýlanýǵa qatysty 10 oqıǵa tirkelgen. Barlyǵy 23 adam zardap shegip, 3 adam qaıtys bolǵan. Al, jyl basynan beri kómirqyshqyl gazymen ýlanýǵa qatysty 5 derek tirkelgen.

«29 qańtarda Shý aýdanyndaǵy jeke úılerdiń birinde kómir jaǵylatyn peshtiń aqaýynan 2 zeınetkerge ıis tıip, kóz jumdy. Al 2 aqpanda Taraz qalasyndaǵy jeke úıde tabıǵı gazǵa arnalǵan peshtiń aqaýynan 1 adam ýlanyp, qaıtys bolsa, 2 adam aýrýhanaǵa jatqyzyldy», - deıdi oblystyq Tótenshe jaǵdaılar departamentiniń Órt qaýipsizdigi salasyndaǵy baqylaý jáne saýyqtyrý qyzmeti basqarmasynyń bastyǵy Maqsat Ákimbaev.

Joǵary qaraı