Aýa raıy
Astana 12 °S
Almaty 19 °S
valıýta baǵamy
USD 389.52
EUR 429.21
RUB 6.07
CNY 54.94

Astanalyq tsırk ártisteri Monte-Karlodaǵy halyqaralyq festıvaldiń syılyǵyn aldy

2019 jyldyń 21 aqpan 2019 02:35

ASTANA. QazAqparat - Elordalyq Eka Qońyrbaeva men Nazerke Merekeqyzy «Sıgveıdegi ekvılıbr» atty qoıylymdary úshin halyqaralyq tsırk óneri festıvalinde arnaıy syılyqpen marapattaldy, dep habarlaıdy QazAqparat tilshisi Astana qalasy Mádenıet jáne sport basqarmasyna silteme jasap.

«Astanalyq tsırk ekvılıbrısteri Monte-Karloda ótken halyqaralyq tsırk óneri festıvalinde arnaıy syılyqtyń ıegeri atandy. Onda ártisterimiz Eka Qońyrbaeva men Nazerke Merekeqyzy «Sıgveıdegi ekvılıbr» atty erekshe qoıylymyn kópshilik nazaryna usyndy. Varshavalyq jáne ıakýtııalyq tsırk maıtalmandary elordalyq ártisterdiń sheberligine erekshe tánti boldy. Astanalyq tsırk atalǵan sharaǵa bıyl alǵash ret qatysty», - dep habarlaıdy basqarmanyń baspasóz qyzmeti.

Ústimizdegi jyldyń 17-27 qańtar aralyǵynda ótken 43-shi halyqaralyq tsırk festıvaliniń negizin 1974 jyly knıaz Monako Rene III qalaǵan.
Bıylǵy tsırk básekesinde akrobatıka, saıqymazaq, ekvılıbrıstıka, sıqyrlyq jáne ań úıretý syndy janr boıynsha álemniń 15 memleketiniń qatysýshylary óner kórsetti.

«Ónerpazdarǵa halyqaralyq festıvalge shaqyrtý byltyr Astanada ótken dástúrli «Azııa jańǵyryǵy» atty tsırk óneri festıvalinde tabystaldy. Atalǵan festıvalde qazylar alqasy quramynda bolǵan Eýropalyq tsırk qaýymdastyǵynyń prezıdenti, Monte-Karlo tsırk festıvaliniń vıtse-prezıdenti Ýrs Pıls ekvılıbrıster jubynyń ónerin joǵary baǵalap, olardy álemdik tsırk óneri salasyndaǵy aýqymdy sharaǵa qatysýǵa shaqyrdy. «Azııa jańǵyryǵy» festıvaliniń qorytyndysy boıynsha elordalyq ártister «Sıgveıdegi ekvılıbr» qoıylymymen 3-shi oryn ıelendi», - delingen habarlamada.

Avtor Álı Ibraev
Basty sózder: Nur-Sultan, Mádenıet,
Joǵary qaraı