Aýa raıy
Astana -2 °S
Almaty 4 °S
valıýta baǵamy
USD 389.98
EUR 434.01
RUB 6.10
CNY 55.04

21 aqpan. Týǵan kún ıeleri

2019 jyldyń 21 aqpan 2019 08:08

ASTANA. QazAqparat - Búgin, ıaǵnı 21 aqpan kúni tulǵalardan kimder dúnıege kelgen? QazAqparat oqyrmandaryna esimder kúntizbesin usynady.




null
ESІMDER

102 jyl buryn (1917-2011) qazaq teatr jáne kıno aktrısasy, KSRO halyq ártisi Hadısha Bókeıqyzy BÓKEEVA dúnıege keldi.

Batys Qazaqstan oblysy, Kaztalov aýdany, Kaztalovka aýylynda dúnıege kelgen. Ata-anasynan erte aıyrylyp, balalar úıinde tárbıelengen. Sankt-Peterbýrg teatr óneri ınstıtýtyn bitirgen soń (1938), Shymkent oblysynyń drama teatryn ashqan. Osy teatrda Eńlik (M. Áýezovtiń «Eńlik-Kebeginde»), Aqtoqty (Ǵ.Músirepovtiń «Aqan seri-Aqtoqtysynda»), Lıýdmıla (A.Ostrovskııdiń «Keshikken mahabbatynda») sııaqty róldermen kórermen nazaryn aýdarǵan.

Bókeeva 1942 jyly Shekspırdiń «Asaýǵa tusaýyndaǵy» Katarınany oınaý úshin Almatyǵa Qazaq drama teatryna shaqyryldy. 1938-1942 jyldary Shymkent oblysy qazaq drama teatrynyń ártisi, 1942 jyldan ómiriniń sońyna deıin M.Áýezov atyndaǵy Qazaq memlekettik akademııalyq drama teatrynyń ártisi bolǵan. 1965 jyldan bastap ustazdyq qyzmetin atqardy. 1946 jyly «Qurmet belgisi» ordenimen, 1952 jyly KSRO Memlekettik syılyǵynyń laýreaty, 1957 jyly Qazaqstannyń halyq ártisi (Qazaq KSR halyq artısi), 1959 jyly KSRO-nyń eń joǵarǵy Lenın ordeni berildi. 1964 jyly KSRO halyq ártisi, 1974 jyly professor, 1987 jyly «Halyqtar dostyǵy» ordenimen, 2000 jyly QR Prezıdentiniń Jarlyǵymen «Otan» ordenimen marapattaldy.

55 jyl buryn (1964) QR Parlamenti Májilisiniń «Nur Otan» partııasynan saılanǵan altynshy shaqyrylym depýtaty, Ekologııa jáne tabıǵatty paıdalaný máseleleri komıtetiniń múshesi Irına Sergeevna ÝNJAKOVA dúnıege kelgen.

Reseı Federatsııasy Irkýtsk oblysynda týǵan. 1983 jyly Óskemen qurylys tehnıkýmyn, 1988 jyly Óskemen qurylys-jol ınstıtýtyn, al 2011 jyly Shyǵys Qazaqstan óńirlik ýnıversıtetin bitirgen.

Eńbek jolyn 1983 jyly Belogorsk taý-ken baıytý kombınatynda sylaqshy-syrlaýshy bolyp bastaǵan. Instıtýtty bitirgennen keıin Óskemen qurylys tehnıkýmynyń komsomol komıtetiniń hatshysy, tehnologııalyq bóliminiń meńgerýshisi bolyp jumys istedi. 1992-1997 jyldary - Jastar isteri jónindegi komıtettiń, Óskemen qalasy ákimi apparatynyń jastar isteri, týrızm, dene shynyqtyrý jáne sport bóliminiń mamany, bas mamany. 1995-1997 jyldary - «Inform-kokteıl», «Vıtrına» jáne «Ledı-Lıder» televızııalyq baǵdarlamalarynyń telejańalyqtar jýrnalısi, telejúrgizýshisi, redaktory, Óskemen qalasy. 1997-1998 jyldary - Qalalyq jastar qorynyń dırektory. 1998-1999 jyldary - Óskemen qalasy ákimi apparatynyń baspasóz qyzmetiniń konsýltanty. 1999-2016 jyldary - «Status» Áıelder federatsııasy» qoǵamdyq birlestiginiń prezıdenti, basqarma tóraıymy. Qazaqstan Respýblıkasy Prezıdenti janyndaǵy Áıelder isteri jáne otbasylyq-demografııalyq saıasat jónindegi ulttyq komıssııa múshesi. 2005 jyly Beıbitshilik Nobel syılyǵyna nomınatsııalanǵan álemniń 1000 áıeliniń quramyna kirgen, Nobeldik Halyqaralyq aktsııasynyń uıymdastyrýshy komıteti shyǵarǵan «Álemdi ózgertken 1000 áıel» atty kitap keıipkerleriniń biri.

Qazirgi laýazymyn 2016 jylǵy 24 naýryzdan beri atqaryp keledi.

«Eren eńbegi úshin» medalimen (2016), «Astananyń «10 jyldyǵy» (2008) jáne «Qazaqstan Respýblıkasynyń táýelsizdigine 25 jyl» (2016) mereıtoılyq medalderimen marapattalǵan.

53 jyl buryn (1966) VІ saılanǵan Qazaqstan Respýblıkasy Parlamenti Májilisiniń depýtaty, Áleýmettik-mádenı damý komıtetiniń múshesi Aıgúl Qabdeshqyzy NURKINA dúnıege keldi.

Pavlodar qalasynda týǵan. Qaraǵandy memlekettik ýnıversıtetin bitirdi (1987). Zańger, otbasy quqyǵy, ekologııalyq quqyq, advokattyq qyzmet boıynsha maman. Ýnıversıtet bitirgennen keıin Pavlodar qalasy Indýstrııalyq aýdandyq atqarý komıtetiniń áleýmettik qamsyzdandyrý ınspektory (1990-1993); Qazaq quqyqtaný jáne halyqaralyq qatynastar ınstıtýtynyń Pavlodar fılıalynda dırektordyń óndiristik praktıka jónindegi orynbasary, keıinnen oqytýshy (2000-2004) bolyp jumys istedi. 2001-2004 jyldary negizgi maqsaty halyqqa tegin zańgerlik konsýltatsııalyq kómek kórsetý, halyqtyń az qamtylǵan toptaryna zańgerlik jáne advokattyq qoldaý kórsetý bolyp tabylatyn «ZAŃGER» qoǵamdyq qoryn quryp, ony basqardy. 2004 jyly «Asar» Respýblıkalyq partııasy» RQB Pavlodar oblystyq fılıalynyń hatshysy (2004-2006) bolyp taǵaıyndaldy. 2006 jyly «Nur Otan» HDP Pavlodar oblystyq fılıaly tóraǵasynyń birinshi orynbasary (2006-2011) bolyp taǵaıyndaldy. 2007 jyly Pavlodar oblystyq máslıhatynyń depýtaty (2007-2011) bolyp saılandy. V saılanǵan Qazaqstan Respýblıkasy Parlamenti Májilisiniń depýtaty (2012-2016) bolyp saılandy. 2016 jyldan «Nur Otan» partııasynyń partııalyq tizimi boıynsha VІ saılanǵan Qazaqstan Respýblıkasy Parlamenti Májilisiniń depýtaty.

«Qurmet» ordeni, «Eren eńbegi úshin», «Astananyń 10 jyldyǵy», «Qazaqstan Respýblıkasynyń Táýelsizdigine 20 jyl», «Qazaqstan Respýblıkasynyń Táýelsizdigine 25 jyl» medaldarymen marapattalǵan.

48 jyl buryn (1971) «Qazmedıa ortalyǵy» Basqarýshy kompanııasy» JShS bas dırektory Lázzat Oljabaıqyzy JÚNІSOVA dúnıege kelgen.

Eńbek jolyn 1996 jyly «Qazaqstan» UTA-da bastaǵan. 2002 jyly «Qazaqstan» RTRK» AQ Basqarma múshesi, 2004 jyly Basqarma tóraǵasynyń birinshi orynbasary boldy. 2006-2009 jyldary «BTA bank» AQ brend ofısiniń dırektory, 2009 jyly «Arna Media Production» JShS dırektorynyń orynbasary, 2010 jyldyń maýsymynda «Televızııalyq jańalyqtar agenttigi» JShS dırektory, 2010 jyldyń jeltoqsanynan «Evrazııa+ORT» JShS bas dırektory boldy. 2011 jyldyń qarashasynan 2016 jyldyń qazan aıyna deıin «Qazaqstan» RTRK» AQ Basqarma tóraǵasynyń birinshi orynbasary.

Qazirgi qyzmetinde - 2018 jyldyń mamyrynan.

35 jyl buryn (1984) qazaqstandyq ánshi Maqpal ISABEKOVA dúnıege keldi.

Taldyqorǵan oblysynda týǵan. Jasynan ánge qumar bolyp ósti. 2004 jyly «Superstar.kz» telejobasyna qatysty. Osy jyly onyń alǵashqy debıýttik albomy shyqty jáne Ivan Breýsovtiń «Mahabbat boldy ma» ánine alǵashqy beıneklıpin túsirdi. Bul án sol jyldyń eń úzdik ánderiniń birine aınaldy. 2005 jyly reseılik «MýzTV» telearnasynda sahnadaǵy áriptesi Ivan Breýsovpen birge «Júregim, aıtshy» ánin oryndady. Budan basqa birqatar klıpteri jaryqqa shyqty. Ol ıÝrmaladaǵy «Jańa tolqyn» jas oryndaýshylardyń halyqaralyq konkýrsynda «Kórermender kózaıymy» atalymyna ıe boldy. Al Almatydaǵy «Jyl tańdaýy» festıvalinde «Altyn adam» syılyǵyn aldy.

Basty sózder: Kúntizbe,
Joǵary qaraı