Aýa raıy
Astana 7 °S
Almaty 6 °S
valıýta baǵamy
USD 389.59
EUR 429.06
RUB 6.05
CNY 55.07

21 aqpan. QazAqparat kúntizbesi

2019 jyldyń 21 aqpan 2019 07:00

ASTANA. QazAqparat - QazAqparat oqyrmandaryna 2019 jylǵy 21 aqpanǵa arnalǵan kúntizbesin usynady.




null
ATAÝLY KÚNDER

Dúnıejúzilik aqparatty basqarý kúni

Jyl saıyn aqpannyń úshinshi beısenbisinde atap ótiledi. Qazirgi zamandaǵy aqparatty basqarýdyń mańyzdylyǵyna nazar aýdarý men onyń qaǵıdalary týraly jurtshylyqty habardar etý maqsatynda bekitilgen.

Halyqaralyq ekskýrsııa júrgizýshi kúni

Ekskýrsııa júrgizýshilerdiń halyqaralyq federatsııasynyń bastamasy boıynsha jyl saıyn álemniń barlyq ekskýrsııa júrgizýshileri jáne gıdteri atap ótedi. 1990 jyly WFTGA (World Federation of Tourist Guide Associations) prezıdenti Tıtına Loızıdes alǵashqy Halyqaralyq ekskýrsııa júrgizýshi kúnin uıymdastyrýshylardyń biri bolǵan.

Ana tiliniń halyqaralyq kúni

1999 jylǵy qarashada ıÝNESKO Bas Konferentsııasy 30-sessııasynyń sheshimimen bekitilgen jáne 2000 jylǵy aqpannyń 21-inen bastap tildik jáne mádenı ár alýandyqty qorǵaý maqsatynda atap ótiledi.

ESTE QALAR OQIǴALAR

1992 jyly Qazaqstan Respýblıkasynyń Prezıdenti Nursultan Nazarbaev pen Úndistan Premer-mınıstri Narasımha Rao Qazaqstan Respýblıkasy men Úndistan Respýblıkasy arasyndaǵy dıplomatııalyq qatynastardyń ornatylýy týraly hattamaǵa, Úndistan Memlekettik banki men Qazaqstan Syrtqy ekonomıkalyq qyzmet banki arasyndaǵy kelisimge, QR Úkimeti men ÚR Úkimeti arasynda konsýldyq katynastardyń ornatylýy týraly hattamaǵa qol qoıdy.

1992 jyly Atyraý oblysynyń Balyqshy aýdanyndaǵy orta mektepke aqyn, Qazaqstan Respýblıkasy Memlekettik syılyǵynyń laýreaty Farıza Ońǵarsynovanyń esimi berildi.

2005 jyly Elbasy Nursultan Nazarbaev «Ekstremızmge qarsy áreket týraly» Zańǵa qol qoıdy.

2012 jyly Venadaǵy «Kýnstlerhaýs» Sýretshiler úıinde tanymal qazaqstandyq sýretshi Erbolat Tólepbaıdyń jeke kórmesi ashyldy. Onyń jumystary álemniń 35 elinde kórmege qoıylǵan.

2014 jyly rejısser Serik Aprymovtyń «Baýyr» fılmi balalar jáne jasóspirimderge arnalǵan «Ciné Junior» XXIV halyqaralyq kınofestıvalinde Halyqaralyq arthaýs kınoteatrlary konfederatsııasynyń syılyǵyn (C.I.C.A.E.) aldy. C.I.C.A.E. qazylar alqasynyń quramynda Frantsııa jáne Belgııadaǵy arthaýs kınoteatrlarynyń kıno kórsetilimderin úılestirýshiler boldy.

2014 jyly Ámir Baıǵazınniń «Jaraly perishte» atty jańa jobasy HІ Berlın kınobazarynda mádenıet jáne ónerge mamandanǵan ARTE nemis-frantsýz telearnasynyń Halyqaralyq syılyǵyna jáne 6000 eýro aqshalaı syılyǵyna ıe boldy.

2016 jyly Estonııada ótken balalar men jasóspirimderge arnalǵan ІІ ashyq halyqaralyq vokaldyq «Soprus» festıval-baıqaýynda 14 jasar ońtústikqazaqstandyq Karına Nájimeddınova birinshi syılyq laýreaty atandy. Baıqaýǵa álemniń ár elinen 50 konkýrsant qatysty.

2017 jyly shańǵyshy Rınat Mýhın Sapporoda ótken VIII qysqy Azııa oıyndarynda 15 shaqyrymdyq jeke jarysta Qazaqstan qorjynyna alǵashqy altyn medaldi saldy. Jalpy Azııa oıyndarynda Qazaqstan quramasy 32 medal jeńip aldy, onyń 9-y - altyn, 11-i - kúmis, 12-si - qola.

2017 jyly QR Energetıka mınıstri Qanat Bozymbaev Halyqaralyq qazaq kúresi federatsııasynyń (HQKF) prezıdenti bolyp saılandy.

2018 jyly Ankarada «Alashtyń aqıyq aqyny: Maǵjan Jumabaevqa 125 jyl» konferentsııasy ótti jáne Kechıoren aýdanyndaǵy saıabaqta Maǵjan Jumabaevtyń eskertkishi ashyldy. Atalǵan sharalar TÚRKSOI Halyqaralyq túrki mádenıeti uıymy jarııalaǵan «Maǵjan Jumabaev jyly» aıasynda ótken bolatyn.

2018 jyly 15 jastaǵy golfshi Rıvekka Jumaǵulova Álemdik áýesqoılar reıtıngine kirdi. Bolashaqta ol jınaǵan upaılary arqyly Olımpıada oıyndaryna qatysa alady.

2018 jyly «Astana Operanyń» tenor partııasyndaǵy eń jas ártisi balalar stýdııasynyń solısi 10 jasar Qajymurat Erkin alǵash ret sahna tórine shyqty.

Ol kúrdeli vokaldyq partııany keremet ıgerip qana qoımaı, jańa sahnalyq beıneni de kórsetti. Mundaı tájirıbe ómirde buryn-sońdy bolmaǵan, ıaǵnı tenorǵa arnap jazylǵan róldi bala daýsy oryndamaǵan.

Basty sózder: Kúntizbe,
Joǵary qaraı