Awa rayı
Nur-Sultan 4 °S
Almatı 8 °S
valyuta bağamı
USD 379.86
EUR 422.97
RUB 5.85
CNY 56.33

Almatı oblısında polïetïlen dorbadan näreste tabıldı

2019 jıldıñ 19 aqpan 2019 00:17 964

TALDIQORĞAN. QazAqparat - Almatı oblısı Eñbekşіqazaq awdanındağı Türgen awılınıñ turğını esіk aldınan jaña twğan näreste tawıp aldı. Kökek ana şaqalaqtı qızıl tüstі polïetïlen dorbağa salıp ketken, dep xabarlaydı QazAqparat tіlşіsі.

Türgen awılınıñ turğını üyіne otın kіrgіzw üşіn dalağa şıqqanda şarbaqqa іlіnіp turğan dorbanı añğaradı. Otının kіrgіzіp, peşіn jağıp, esіk aldına qayta şıqsa, dorba qozğaladı. Ït-mısıq şığar dep dorbanı üyіne alıp kіrse, jaña twğan närestenі köredі. Derew türde jedel järdem jäne tärtіp saqşıların şaqırıp, män jaydı bayandaydı.

Jaña twğan balanıñ salmağı 2,5 kg. Denesіne swıq ötken. Sawıqqanşa awrwxanada boladı. Odan keyіn Şelek awılındağı böbekter üyіne tapsırılmaq. Almatı oblıstıq polïcïya departamentі baspasöz qızmetіnіñ mälіmetіnşe qazіr balanıñ anası іzdestіrіlіp jatır.

"Sonday-aq QR QK 119-babına säykes, yağnï «qawіptі jağdayda qaldırw» deregі boyınşa sotqa deyіngі tergew amaldarı jürgіzіlwde. Іs Eñbekşіqazaq awdandıq ІІB öndіrіsіnde",- deydі oblıstıq polïcïya departamentі baspasöz qızmetіnіñ ökіlі.

 

 

Avtor: Samal Qabışeva
Bastı sözder: Oqïğa, Almatı,
Joğarı qaray