Aýa raıy
Astana -2 °S
Almaty 7 °S
valıýta baǵamy
USD 389.98
EUR 434.01
RUB 6.10
CNY 55.04

31 myń otbasy úıdegi peshke tekserý júrgizýden bas tartqan - ІІM TJK

2019 jyldyń 18 aqpan 2019 16:19

ASTANA. QazAqparat - QR ІІM Tótenshe jaǵdaılar komıtetiniń tóraǵasy Vladımır Bekker turǵyn úı sektorlarynda júrgizilip jatqan órttiń aldyn alý jumystary týraly aıtyp berdi, dep habarlaıdy QazAqparat tilshisi.

«Demalys kúnderi halyqtyń kóbinde úıinde bolatynyn eskere otyryp, azamattyq qorǵaý bólimsheleriniń barlyq jeke quramy órt qaýipsizdigi sharalary týraly túsindirý jumystaryn júrgizý úshin aýlalardy aralap shyǵady. Tek ótken 2 apta ishinde jeke turǵyn úı sektorynda jumys isteý úshin Komıtettiń, Tótenshe jaǵdaılar departamentteriniń, órt sóndirý qyzmetteriniń 14 511 qyzmetkeri, órtke qarsy qyzmetter men uıymdardyń 1715 qyzmetkeri men 2120 erikti tartyldy», - dedi Vladımır Bekker TJK-da ótken baspasóz máslıhatynda.

Onyń aıtýynsha, osy ýaqytqa deıin 262 myń turǵyn úıdiń turǵyndarymen túsindirý jumystary júrgizilgen. Peshterdi paıdalaný men elektr jabdyqtaý kezinde 138 myń órt qaýipsizdigi talaptaryn buzýshylyǵy anyqtalǵan.

«Reıdtiń is-sharalar barysynda halyqpen nusqaýlyq júrgiziledi. Peshti paıdalaný kezinde órt qaýipsizdiginiń negizgi talaptary, avarııalyq jaǵdaıdaǵy aqaýy bar elektr quraldaryn paıdalanýǵa jol bermeý, halyqtyń otty abaısyz paıdalanbaýy týraly jadynamalar men nusqaýlyqtar taratylady. Ókinishke qaraı, 31 myń úıdiń ıesi tekserý júrgizýden bas tartty. Júrgizilgen jumystyń qorytyndysy boıynsha halyqtyń áleýmettik toptaryna jatatyn úılerde órt qaýipsizdigi talaptaryn buzý jaǵdaılary týraly kómek kórsetý úshin jergilikti atqarýshy organdaryna, áleýmettik qorǵaý jáne bilim berý basqarmalaryna habardar etildi», - deıdi ol.

Spıker málim etkendeı, qysqy merzimge daıyndyq aıasynda ótken jyldyń qyrkúıek jáne jeltoqsan aılarynda aldyn ala órt qaýipsizdigi aılyqtary ótkizilgen. 2018 jyldyń qarasha, jeltoqsany men osy jyldyń qańtar aıynda turǵyn úılerdegi órt sany 2 paıyzǵa, adamdardyń qaza bolý oqıǵalary 27 paıyzǵa azaıǵany baıqalǵan.

Joǵary qaraı