Aýa raıy
Astana -4 °S
Almaty 12 °S
valıýta baǵamy
USD 389.98
EUR 434.01
RUB 6.10
CNY 55.04

Jastarǵa arnalǵan páterler qandaı sanattarǵa beriletini aıqyndaldy

2019 jyldyń 18 aqpan 2019 11:50

ASTANA. QazAqparat - Osy aptada Astana, Almaty jáne Shymkent qalalarynda jastardy pátermen qamtamasyz etýge arnalǵan jobaǵa baılanysty kelisim jasalady. Bul týraly Parlament Májilisindegi Úkimet saǵatynda QR Qoǵamdyq damý mınıstri Darhan Káletaev málim etti, dep habarlaıdy QazAqparat tilshisi.

«Astana, Almaty jáne Shymkent qalalarynda jastar úshin jylyna 1 myń páter qarastyrylǵan jáne ol jalǵa alý tártibimen iske asyrylady. Osy baǵytta qamtylatyn sanattardy daıarlap, ókiletti organdarǵa, sondaı-aq Almaty, Astana, Shymkenttiń ákimdikterine tapsyrdyq. Meniń oıymsha, osy aptanyń barysynda jastar sanattaryn kelisimnen ótkizemiz», - dedi mınıstr.

Onyń sózine qaraǵanda, páter alýǵa úmitkerlerdiń jas aralyǵy anyqtalǵan. Bul turǵyda 29 jasqa deıingi deńgeı aıqyndaldy, sebebi zańnamaǵa sáıkes, jastar sanaty 29 jasqa deıin belgilengen. Sonymen qatar, jastar mindetti túrde jumys isteýi tıis.

«Bizde baldyq júıe eskerilgen. Usynylǵan mezim boıynsha páter 3 jylǵa beriledi, osydan keıin komıssııa sharttyń merzimin uzartýdy qarastyrady. Bul baǵdarlama boıynsha jas otbasy páter alǵan kezde turǵyn úı bankinde birden esep-shot ashýy tıis. Al kezekke toqtalsaq, atalǵan qalalarda jastar kem degende 3 jyl turýy kerek. Ázirge, osynyń barlyǵy jobada usynyldy. Endi, sársenbige deıin ókiletti organdar tıisti jaýabyn beredi», - dedi Darhan Káletaev.

Óz kezeginde QR Indýstrııa jáne ınfraqurylymdyq damý mınıstrligi Qurylys jáne turǵyn-úı kommýnaldyq sharýashylyǵy isteri komıtetiniń tóraǵasy Marhabat Jaıymbetov Astana men Almatyda 350, al Shymkentte 300 pátter salynatynyn jetkizdi.

«Sharshy metri 180 myń teńge, páter aýmaǵy 40 sharshy metr bolady. Qazirgi kezde úsh qalanyń ákimdikterimen jobany pysyqtap jatyrmyz», - dedi M. Jaıymbetov.

Budan buryn habarlanǵandaı, Jastar jylynyń ashylýyna arnalǵan saltanatty jıynda Elbasy Astana, Almaty jáne Shymkent qalalarynda jastar úshin jylyna 1 myń páter salynatynyn aıtqan edi.

Joǵary qaraı