Aýa raıy
Astana 9 °S
Almaty 12 °S
valıýta baǵamy
USD 389.62
EUR 429.98
RUB 6.06
CNY 55.08

Jastar jyly jastardyń jumyssyzdyǵyn joıýǵa yqpal etse - Aıjan Ergeshova

2019 jyldyń 24 qańtar 2019 07:18

ShYMKENT. QazAqparat - Shymkenttik jas maman Aıjan Ergeshova bıylǵy jyldyń «Jastar jyly» dep jarııalanýyn jaqsylyqqa balap otyr. Halyqaralyq kompanııada menejder-marketolog bolyp jumys isteıtin boıjetken endigi kezekte jastar arasyndaǵy jumyssyzdyq máselesi sheshilse degen tilegin jetkizdi, dep habarlaıdy QazAqparat tilshisi.

«Meniń oıymsha jastar arasyndaǵy basty másele - jumyssyzdyq. Qazirgi naryq zamanynda halyqaralyq kompanııalar sırek. Bul oraıda jastardyń básekege qabilettiligin damytý mańyzdy. Bıylǵy jyl jastardyń eń ózekti máselesi - jumyssyzdyqty joıýǵa yqpal etip, nátıjeli baǵdarlamalar qabyldanady dep senemin. Al óz usynysym - qalanyń belsendi jastarynyń basyn qosyp, dóńgelek ústel uıymdastyrý. Ár saladaǵy problemalardy jastardyń ózderiniń jetkizýi oń nátıje beredi», - deıdi jas maman.

Aıjan Ergeshovanyń aıtýynsha, jastarǵa óz ortalarynda damýdyń kezekti satysyna ótýine múmkindik jasaý qajet.

«Óz basym shet memleketterde jıi bolamyn. Salystyrmaly túrde qarasaq, bizde mádenı sharalar óte az. 2020 jyly Shymkent TMD memleketteriniń mádenı astanasy mártebesine ıe bolmaq. Bul statýs jaýapkershilikti taǵy da arttyryp otyr. Sondyqtan, birinshi kezekte mádenı merekelerdi jıi ótkizip jáne óz belsendiligimen is-shara uıymdastyrýshylarǵa memleket tarapynan qoldaýdy kúsheıtý mańyzdy. Jastar arasynda belsendi ókilder óte kóp. Biz sol talantty jastardy nasıhattaýǵa basymdyq berýimiz qajet. ıAǵnı jastar, óz zamandastarynan úlgi alyp, alǵa umtylýy kerek. Bul oraıda jastarǵa óz sapyndaǵy úzdikterdi ózderi anyqtaýyna múmkindik berý qajet», - deıdi menejder-marketolog.

Avtor Aınur Aqbaeva
Basty sózder: Shymkent, Jastar, Qoǵam, Jastar jyly,
Joǵary qaraı