Awa rayı
Astana 4 °S
Almatı 17 °S
valyuta bağamı
USD 378.17
EUR 429.11
RUB 5.88
CNY 56.48

Jastar jılı: Sportta arwlardıñ sanı artıp keledі - Maxabbat Bolşïna

2019 jıldıñ 23 qañtar 2019 22:43 674

KÖKŞETAW. QazAqparat - Sport salasında arwlarımızdıñ sanı artıp keledі. Munday pіkіrdі Aqmola oblısınıñ Dene şınıqtırw jäne sport basqarmasınıñ qızmetkerі Maxabbat Bolşïna bіldіrdі, dep xabarlaydı QazAqparat tіlşіsі.

«Soñğı jıldarı elіmіzde sport salasına jіtі köñіl bölіnwіnіñ arqasında arwlarımızdıñ arasında sportşılar köbeye tüstі. Qazaq qızdarınıñ sportpen dostasqanın qalaymın. Ärïne, tañdağan sportı tap özіndey «ädemі» bolsa... Elbası aytqanday, bügіngі künі qızdarımız özіn-özі qorğawğa dayın bolwı kerek. Ol üşіn ərïne, sportpen şuğıldanğan mañızdı», - deydі M.Bolşïna.

Bügіn Astanada Elbası Nursultan Nazarbaevtıñ qatıswımen ötken Jastar jılınıñ saltanattı aşılw räsіmіnde djïw-djïtswden älem çempïonı Möldіr Mekenbaeva sport salasındağı täjіrïbesі jäne osı salada atqarıp jatqan jumıstarı twralı bayandağan bolatın. Elbası jas sportşınıñ sözіn tıñday kele, «Qızdardı özіn-özі qorğay bіlwge üyretken asa mañızdı», dep atap ötken edі.

Sonday-aq basqarma mamanı awıl jastarınıñ sportpen aynalıswına jağday jasawğa qatıstı pіkіrіmen bölіstі.  

«Aqmola oblısınıñ sport qawımdastığınıñ müşesі retіnde elіmіzdіñ kez kelgen sporttıq jeñіsterіne erekşe qwanamın. Elіmіzdіñ ekonomïkasımen bіrge sport ta damwda. Bіzdіñ oblısta da Temіrtas Jüsіp, Dïna Jolaman, Möldіr Bazarbaeva sïyaqtı köptegen ataqtı jas sportşılar bar. Bіz olarmen maqtanamız. Äsіrese, memleket tarapınan sportqa degen qoldaw joğarı deñgeyde. Memleket basşısınıñ «Twğan jer» kіşі bağdarlaması şeñberіnde de jergіlіktі käsіpkerlerdіñ qoldawınıñ arqasında awıldıq eldіmekenderde sport nısandarı köptep salınwda. Barlığımız awıldan şıqqanbız. Sondıqtan, awıldıq jerlerdegі jastardıñ dene şınıqtırw jäne sportpen şuğıldanwına jağday jasaw mañızdı dep esepteymіn», - deydі ol.

Onıñ aytwınşa, köptegen awıldarda älі künge deyіn sporttıq üyіrmeler jetіspeydі.

«Bolğannıñ özіnde tolıqqandı sportpen aynalıswğa mümkіndіk joq. Bïılğı Jastar jılı osı mäsele oñ şeşіmіn tabadı dep senemіn. Jalpı, awıl jastarınıñ sportpen aynalıswına jağday jasalınıp jatqandığı bіzderdі qwantadı», - dedі Maxabbat Bolşïna.

 

 

Joğarı qaray