Aýa raıy
Astana -9 °S
Almaty 13 °S
valıýta baǵamy
USD 389.98
EUR 434.01
RUB 6.10
CNY 55.04

Qazaq Respýblıkasy ataýyn qaıta engizý kerek - Azat Perýashev

2019 jyldyń 23 qańtar 2019 13:51

ASTANA. QazAqparat - Parlament Májilisiniń depýtaty Azat Perýashev Qazaq Respýblıkasy ataýyn qaıta engizýdi usyndy. «Aq jol» partııasynyń tóraǵasy búgingi ótken Májilistiń plenarlyq otyrysynda Úkimet basshysynyń atyna osyndaı depýtattyq saýal joldady, dep habarlaıdy QazAqparat tilshisi.

Saýalda depýtat bul ataýdyń shyǵý tarıhy týraly áńgimeleıdi.

«1920 jyly tamyz aıynda Máskeýde SovNarKom shekara máselesin jan alysyp talqylaǵanda, Álimhan Ermekov birneshe ret baıandama jasady. Osy jumysqa Ahmet Baıtursynuly, Álıhan Bókeıhan jáne basqa da qazaq delegatsııasynyń 12 múshesi tikeleı qatysty. Sonda olar arnaıy ekspedıtsııalarda jınastyrǵan ǵylymı derekterge súıenip, qazaq jeriniń tutastyǵyn dáleldep shyqty. Nátıjesinde, sol jyly Avtonomdy Keńestik Respýblıka qurylyp, 1925 jyldan bastap oǵan halqymyzdyń tól «Qazaq» degen ataýy berildi. 2020 jyly memlekettilik turǵysynan bolashaq táýelsiz Qazaqstannyń irgetasyna aınalǵan, KSRO quramyndaǵy Qazaq Respýblıkasynyń, naqtylap aıtqanda Qazaq Respýblıkasynyń qurylǵanyna 100 jyl tolady. Qazaqstan ataýymen qatar resmı túrde qoldanylýy úshin - Qazaq Respýblıkasy ataýyn qaıta engizý múmkindigin qarastyrýdy usynamyz», - dep málimdedi Perýashev.

Esterińizge sala keteıik, mundaı bastamany 5 jyl buryn «Máńgilik El» tujyrymdamasyn talqylaý barysynda Elbasy Nursultan Nazarbaevtyń ózi kótergen bolatyn.

«Aq jol» fraktsııasynyń jetekshisi Memleket basshysynyń ustanymyn iske asyratyn ýaqyt jetkenin aıtty.

«Bizdiń oıymyzsha, Elbasy usynysyn iske asyratyn kez keldi. Qarany - qara, aqty - aq, qazaqty - qazaq dep ataýymyz kerek. Tipti totalıtarlyq sovet ókimeti moıyndaǵan Qazaq atyn respýblıkamyzǵa qaıtarý - tek tarıhı ádiletti qurmetteý ǵana emes, sonymen qatar, barsha kópultty otandastarymyzdyń birligi men yntymaǵyn odan ári nyǵaıtýǵa serpin beretinine senimdimiz», - dedi ol.

Avtor Gúlmıra Ǵosmanálı
Basty sózder: Parlament, Qoǵam,
Joǵary qaraı