Aýa raıy
Astana 5 °S
Almaty 6 °S
valıýta baǵamy
USD 389.98
EUR 434.01
RUB 6.10
CNY 55.04

Sheneýnik LRT kólik júıesiniń artyqshylyǵy týraly aıtty

2019 jyldyń 22 qańtar 2019 15:45

ALMATY. QazAqparat - Almaty ákimi Baýyrjan Baıbektiń orynbasary Erlan Áýkenov qaladaǵy LRT - jeńil relsti kólik júıesi týraly aıtty, dep habarlaıdy QazAqparat.

Ákim orynbasarynyń aıtýynsha, LRT almatylyqtar úshin avtobýstardy, trolleıýstardy, taksılerdi almastyratyn jedel ári tıimdi kólik bolmaq.

Búginde álemniń 80 úlken megapolısinde LRT jelisin engizý týraly sheshim qabyldanǵan. Bul ámbebap kólik saǵatyna 4-25 myń jolaýshyny tasymaldaı alady.

«LRT almatylyqtardy qalanyń bir shetimen ekinshi shetine jyldam jetýge múmkindik beredi. Onyń basty artyqshylyǵy shýsyz qozǵalysy bolyp otyr. Almatyda burynnan beri qalanyń ortalyǵyndaǵy jol keptelisin sheshýge baǵyttalǵan jobalar jasalyp jatyr. Al LRT marshrýttar, avtobýstar, trolleıbýstar men taksılerge jaqsy balama bola alady», - dedi Erlan Áýkenov óziniń Feısbýktegi paraqshasynda.

Onyń aıtýynsha, «LRT Almaty» jobasy memlekettik jekeshelik áriptestik aıasynda 50/50 qaǵıdasymen qarjylandyrylmaq.

Baıqaýdan jeńip shyqqan áriptes jyljymaly quramdy qarjylandyrýǵa qarjy tartý, jobalaý, jyljymaly quramdy jetkizý, nysannyń qurylysy men paıdalanýǵa berilýin óz mindetine alady.

Al byltyr qarashada baıqaýdyń alǵashqy kezeńi ótken bolatyn. Baıqaýǵa álemniń 6 elinen 9 konsrtsıým úmitkerlik bildirdi. Ótken aptada baıqaýdyń alǵashqy kezeńiniń nátıjesi belgili boldy. Kelesi kezeńge 4 konsortsıým ótti.

Ekinshi kezeń naýryzdyń basyna belgilengen.

Aıta ketý kerek, Almatyda LRT jelisiniń qurylysy 2020 jyly bastalady. Jobanyń ınvestıtsııalyq quny 94 203 mln teńgege (qosymsha qun salyǵyn qosa alǵanda) baǵalanyp otyr.

Avtor Gúlmıra Ǵosmanálı
Basty sózder: Qoǵam, Almaty,
Joǵary qaraı