Aýa raıy
Astana 6 °S
Almaty 8 °S
valıýta baǵamy
USD 389.98
EUR 434.01
RUB 6.10
CNY 55.04

24 qańtar. Týǵan kún ıeleri

2019 jyldyń 24 qańtar 2019 08:08

ASTANA. QazAqparat - Búgin, ıaǵnı 24 qańtar kúni tulǵalardan kimder dúnıege kelgen? QazAqparat oqyrmandaryna esimder kúntizbesin usynady.




null
ESІMDER


68 jyl
buryn (1951) jazýshy, Qazaqstan Respýblıkasy Memlekettik syılyǵynyń laýreaty, Qazaqstan Jazýshylar odaǵynyń múshesi, Qazaqstannyń eńbek sińirgen qaıratkeri Álibek Asylbaıuly ASQAROV dúnıege keldi.

Shyǵys Qazaqstan oblysy Qatonqaraǵaı aýdanynda týǵan. Almaty kórkemsýret ýchılıesin, Qazaq memlekettik ýnıversıtetin bitirgen.

1975-1986 jyldary «Bilim jáne eńbek» (qazirgi Zerde) jýrnalynyń kórkemdeýshi redaktory, ádebı qyzmetkeri, bólim meńgerýshisi, jaýapty hatshysy bolǵan. 1986-1991 jyldary - «Óner» baspasynyń bas redaktory, 1991-1993 jyldary - QR Prezıdenti men Mınıstrler Kabıneti Apparaty ishki saıasat bóliminiń aǵa referenti. 1993-2003 jyldary - Qazaqstan Respýblıkasy Baspasóz jáne buqaralyq aqparat mınıstriniń orynbasary, birinshi orynbasary bolǵan. 1997-2003 jyldary - Qazaqstan Respýblıkasy Aqparat jáne qoǵamdyq kelisim mınıstrligi Memlekettik baspa baǵdarlamalaryn uıymdastyrý departamentiniń dırektory. 2003-2005 jyldary - Qazaqstan Respýblıkasy Aqparat mınıstrligi Baspa jáne polıgrafııa departamentiniń dırektory, Mınsk qalasynda Táýelsiz Memleketter Dostastyǵy elderiniń Merzimdi basylymdar, kitap basý isi, jáne polıgrafııa salasyndaǵy yntymaqtastyq jónindegi Halyqaralyq Keńestiń tóraǵasy, Qazaqstan Respýblıkasy Prezıdenti Ákimshiliginiń Іshki saıasat bóliminiń sektor meńgerýshisi, bas ınspektory boldy; QR Ulttyq akademııalyq kitaphanasynyń bas dırektory (2012-2014) qyzmetterin atqarǵan.

«Qutmeken», «Taıga tolǵaýy», «Jasyl álemge saıahat», «Erte túsken bozqyraý», «Aǵalardyń ázili, qurdastardyń qaljyńy», «Ór Altaı, men qaıteıin bıigińdi», «Rodnıkı rojdaıýtsıa v gorah», «Munar taýdy, muzart shyńdy ańsaımyn», «Nazerkege hat», «Skrıp solenogo serdtsa», «Sotsıalızm áńgimeleri», «Sotsıalızm hıkaıaty», «Ston dıkoı dolıny», «Keshegi kúnniń hıkaıasy», «Shabanbaıdaı jer qaıda», «I smeh, ı slezy, ı lıýbov...», «ALTAI-altyn besik, ata jurt», «Nadeısıa ı jdı!», «Kóńildiń kók dóneni» atty kitaptary jaryq kórgen. Medaldarmen marapattalǵan.

53 jyl buryn (1966) Atyraý oblysy ákiminiń orynbasary Aıgúl Temirtasqyzy ÁJІǴALIEVA dúnıege keldi.

Atyraý oblysy, Damby selosynda dúnıege kelgen.

1985 jyly Tselınograd qalasynyń Qarjy-ekonomıkalyq tehnıkýmyn, 1991 jyly Almaty qalasynyń Halyq sharýashylyq ınstıtýtyn ekonomıst, qarjy qyzmetkeri mamandyǵy boıynsha bitirgen.

Eńbek jolyn 1985 jyly Oblystyq qarjy bóliminde kadr jumysy boıynsha aǵa ınspektory laýazymynan bastady. Keıin oblystyq Qarjy basqarmasynda túrli basqarýshylyq laýazymdarda qyzmet atqardy.

2005 jáne 2010 jyldar aralyǵynda Atyraý oblystyq Ekonomıka jáne bıýdjettik josparlaý basqarmasy dırektorynyń orynbasary, keıin basqarma basshysy.

2010 jyldyń maýsym aıynan - Atyraý oblysy ákiminiń orynbasary.

45 jyl buryn (1974) Astana qalasynyń Strategııalyq jáne bıýdjettik josparlaý basqarmasynyń basshysy Rasul Qabdoluly ORAZǴULOV dúnıege kelgen.

Pavlodar oblysynda týǵan. Aqmola qarjy-ekonomıkalyq tehnıkýmyn (1994); Shákárim atyndaǵy Semeı memlekettik ýnıversıtetin (2000); S. Toraıǵyrov atyndaǵy Pavlodar memlekettik ýnıversıtetin (2010) bitirgen.

Eńbek joly: Pavlodar oblystyq qarjy basqarmasynyń jetekshi mamany, bas mamany (1994-1998); QR Qarjy mınıstrliginiń AÓK jáne qorshaǵan ortany qorǵaý basqarmasynyń ekonomısi, jetekshi ekonomısi, bas mamany, bólim bastyǵy, basqarma bastyǵynyń orynbasary (1998-2002); QR Ekonomıka jáne bıýdjettik josparlaý mınıstrliginiń Salalyq organdardyń shyǵyndaryn josparlaý departamenti dırektorynyń orynbasary, basqarma basshysy (2002-2006); Qaraǵandy oblystyq ekonomıka jáne bıýdjettik josparlaý departamentiniń dırektory (Basqarma basshysy) (2006-2009); Qaraǵandy oblysy ákiminiń birinshi orynbasary (2009-2010); «Nur Otan» HDP Ortalyq apparaty basshysynyń orynbasary (2010-2014); Pavlodar oblysy ákimi apparatynyń basshysy (2014-2018).

Qazirgi laýazymyn atqarýǵa 2018 jyldyń mamyrynda kiristi.

«Eren eńbegi úshin» medalimen, mereıtoılyq medaldarmen marapattalǵan.

44 jyl buryn (1975) Qazaqstan Respýblıkasy Joǵarǵy sotynyń sýdıasy, Qazaqstan Respýblıkasy Sýdıalar keńesiniń hatshysy Madııar Temiruly BALKEN dúnıege kelgen.

Almatyda týǵan. Q.A.ıAsaýı atyndaǵy Halyqaralyq qazaq-túrik ýnıversıtetin (1996); Qazaq memlekettik zań akademııasynyń aspırantýrasyn (1999) bitirgen.

Eńbek joly: «Ádilet» Joǵary quqyq mektebiniń oqytýshysy, aǵa oqytýshysy, dotsenti (1996-2005); «Eýrazııa ST» zańgeri, «TURKUAZ» kompanııalar tobynyń keńesshisi, zań qyzmetiniń dırektory (2001-2005); Ońtústik Qazaqstan oblysy mamandandyrylǵan aýdanaralyq ekonomıkalyq sotynyń sýdıasy (2006-2009); Astana qalasynyń mamandandyrylǵan aýdanaralyq ekonomıkalyq sotynyń sýdıasy (2009-2012); Ońtústik Qazaqstan oblystyq sotynyń azamattyq jáne ákimshilik ister jónindegi apellıatsııalyq sot alqasynyń tóraǵasy (2012-2015); Qazaqstan Respýblıkasy Joǵarǵy sotynyń sýdıasy (2015 jyldan); BAQ-pen yqpaldastyq jónindegi úılestirýshi sýdıa (2016), Qazaqstan Respýblıkasy Joǵarǵy sotynyń halyqaralyq baılanystar jónindegi úılestirýshi sýdıasy (04.2016-09.2016); Qazaqstan Respýblıkasy Sýdıalar keńesiniń hatshysy (2016 jyldan).

43 jyl buryn (1976) «Taraz» Áleýmettik-kásipkerlik korporatsııasy» Ulttyq kompanııasy» AQ basqarma tóraǵasy Nurken Qojamuratuly ShÁRBIEV dúnıege kelgen.

Aqmola agrarlyq ýnıversıtetin; Qazaq gýmanıtarlyq zań ınnovatsııalyq ýnıversıtetin bitirgen.

1998-2000 jyldary «Sharbıev K.Sh.» sharýa qojalyǵynyń bas ekonomısi, 2000-2011 jyldary Qazaqstan Respýblıkasy Aýyl sharýashylyǵy mınıstrliginiń jetekshi jáne bas mamany, bólim basshysy, basqarma basshysy, departament dırektorynyń orynbasary, departament dırektory, 2011-2012 jyldary Qazaqstan Respýblıkasy Indýstrııa jáne jańa tehnologııalar mınıstrliginiń strategııalyq josparlaý departamentiniń dırektory, 2012-2013 jyldary Eýrazııalyq ekonomıkalyq komıssııanyń Agroónerkásip saıasaty departamenti dırektorynyń orynbasary, 2013-2017 jyldary «QazAgro» UBH» AQ-yń basqarýshy dırektory, «SHP Mereı» JShS-niń atqarýshy dırektory qyzmetterin atqarǵan. 2017-2018 jyldary «QazAgroQarjy» AQ-nyń basqarma tóraǵasynyń orynbasary. Qazirgi qyzmetinde 2018 jyldyń mamyr aıynan beri.

39 jyl buryn (1980) QR Jazýshylar Odaǵy tóraǵasynyń birinshi orynbasary, aqyn Aqberen Elgezekuly ELGEZEK dúnıege keldi.

1980 jyly dúnıege kelgen. Semeı oblysy Shubartaý aýdany Mádenıet aýylynda E.Rahmadıev atyndaǵy orta mektepti bitirgen.

Ál-Farabı atyndaǵy QazUÝ-diń tarıh fakýltetiniń túlegi. Qazaqstan Jazýshylar odaǵynyń múshesi. Qazaqstan «Serper» jastar syılyǵynyń, T.Aıbergenov atyndaǵy syılyqtyń jáne Memlekettik «Daryn» jastar syılyǵynyń, «Altyn qalam» qoǵamdyq syılyǵynyń ıegeri. «Qazaq ádebıetin qoldaý» qoǵamdyq qorynyń jetekshisi. «Kentavr» ulttyq ádebı aptalyǵynyń negizin qalaýshy. «Kóleńkeler kúbiri» atty jyr jınaǵy jaryq kórgen. Ivan Býnın, Dmıtrıı Merejkovskıı, Varlam Shalamov, Vladımır Vysotskıı, Gııom Apollıner shyǵarmalaryn aýdarǵan.

Eńbek jolyn 2002 jyly Almaty qalalyq ishki saıasat departamenti qoǵamdyq-saıası bóliminiń bas mamany bolyp bastaǵan. 2003-2015 jyldary «Qazaqstan Respýblıkasynyń Ulttyq ınjenerlik akademııasy» respýblıkalyq qoǵamdyq birlestigi prezıdentiniń keńesshisi, Almaty qalalyq aqparattyq-taldaý ortalyǵynyń dırektory, Ál-Farabı atyndaǵy Qazaq ulttyq ýnıversıteti jastar birlestikterimen jumys isteý bóliminiń bastyǵy, Dúnıejúzi qazaqtary qaýymdastyǵynyń «Atajurt» baspa ortalyǵynyń bas redaktory, «Bóbek» ulttyq ǵylymı-praktıkalyq bilim berý jáne saýyqtyrý ortalyǵy Adamnyń úılesimdi damýy ınstıtýtynyń dırektory, Ońtústik Qazaqstan oblysy ákimdiginiń apparat basshysynyń orynbasary laýazymdaryn atqarǵan. 2016-2017 jyldary Qazaqstan Respýblıkasynyń Qorǵanys jáne aeroǵarysh ónerkásibi mınıstriginiń baspasóz xatshysy. Qazirgi qyzmetinde 2018 jylǵy naýryzdan beri.

Basty sózder: Kúntizbe,
Joǵary qaraı