Aýa raıy
Astana 8 °S
Almaty 18 °S
valıýta baǵamy
USD 389.59
EUR 429.06
RUB 6.05
CNY 55.07

Bıyl Qazaqstanda 14 myń adam shaǵyn nesıemen qamtylady

2019 jyldyń 22 qańtar 2019 11:55

ASTANA. QazAqparat - Bıyl 14 myń adam shaǵyn nesıemen qamtylady. Bul týraly búgin Úkimettiń selektorlyq rejimdegi otyrysynda QR Eńbek jáne halyqty áleýmettik qorǵaý mınıstri Madına Ábilqasymova aıtty, dep habarlaıdy QazAqparat tilshisi.

«Aǵymdaǵy jyly shaǵyn nesıe berý baǵdarlamasyn qarjylandyrý kólemi 62 mlrd teńgeni quraıdy. Onyń ishinde respýblıkalyq bıýdjet esebinen - 54 mlrd teńge, jalpy sıpattaǵy transfertter - shamamen 8 mlrd teńge. Respýblıkalyq bıýdjettiń atqarylýyn baqylaý jónindegi esep komıtetiniń nusqamasyna sáıkes, aǵymdaǵy jyly jalpy sıpattaǵy transfertter esebinen shaǵyn nesıe berý kózdelgen qarajat baǵdarlamanyń basqa is-sharalaryna qaıta bólingenin eskersek, jergilikti atqarýshy organdarǵa aǵymdaǵy jyldyń basynda bıýdjetti naqtylaý kezinde 8 mlrd teńge somasynda qarajatty tolyqtyrý qajet», - dedi ol.

Mınıstrdiń aıtýynsha, aǵymdaǵy jyly bólingen qarajat esebinen 14 myń adamdy, onyń ishinde aýyldyq jerlerde 12 myń adamdy, al qalalarda 2 myń adamdy shaǵyn nesıemen qamtý mindeti qoıylǵan.

«Mıkronesıe berý boıynsha kórsetkishterdi oryndaý úshin baǵdarlama operatorlaryna óńir ákimdikterimen birlesip, úshjaqty kredıttik kelisimderge qol qoıýdy tezdetý jáne bólingen qarajattyń maqsatqa saı paıdalanylyp, sońǵy qaryz alýshylarǵa jetýin qamtamasyz etý qajet», - dedi Madına Ábilqasymova.

Joǵary qaraı