Aýa raıy
Astana 7 °S
Almaty 12 °S
valıýta baǵamy
USD 389.98
EUR 434.01
RUB 6.10
CNY 55.04

Kásipqoı boks: Sadrıddın Ahmedovtyń jekpe-jegi tikeleı efırden kórsetiledi

2019 jyldyń 21 qańtar 2019 21:07

ASTANA. QazAqparat - 20 jastaǵy jasyndaı jarqyldaǵan kásipqoı boksshy Sadrıddın Ahmedovtyń kelesi jekpe-jegin «Qazaqstan» jáne «QazSport» arnalary tikeleı efırde kórsetetin boldy, dep habarlaıdy QazAqparat «Astana Arlans» boks klýbynyń Feısbýk paraqshasyna silteme jasap.

«Bolashaǵynan úlken úmit kúttiretin jas kásipqoı boksshy Sadrıddın Ahmedovtyń chempıondyq belbeý úshin jekpe-jegi otandyq arnalardyń tikeleı efırinen kórsetiledi. 26 qańtar kúni Kanadanyń Monreal qalasynda ótetin boks keshinde, otandasymyz Sadrıddın Ahmedov (6-0, 6 KO) jastar arasyndaǵy WBC chempıondyq belbeýin sarapqa salady. 20 jastaǵy Sadrıddın Ahmedovtyń qarsylasy 22 jastaǵy meksıkalyq boksshy Abraham Hýares (12-1, 4 KO) bolady. Birinshi orta salmaq dárejesinde ótetin jekpe-jek 10 raýndqa josparlanǵan», - delingen «Astana Arlans» boks klýbynyń Feısbýk paraqshasynda.

Aıqasty Astana ýaqyty boıynsha 27 qańtar kúni tańǵy saǵat 08:00-de otandyq «Qazaqstan» jáne «QazSport» arnalary jekpe-jekti tikeleı efırden kórsetedi.

Aıta keteıik, áýesqoı bokstan jastar arasyndaǵy Álem chempıony Sadrıddın qazaqstandyq boksshylardyń arasynda, kásipqoı boksta 21 jasqa deıin jastar arasyndaǵy WBC chempıondyq belbeýine talasýǵa múmkindik alǵan birinshi boksshy bolmaq.

Eske sala ketsek, buǵan deıin Sadrıddın Ahmedov (6-0, 6 KO) el tarıhynda bokstaǵy tarıhı jetistigine bir qadam qalǵanyn buǵan deıin habarlaǵan bolatynbyz.

Avtor Aıan Bekenuly
Basty sózder: Sport, Boks,
Joǵary qaraı