Aýa raıy
Astana 18 °S
Almaty 16 °S
valıýta baǵamy
USD 386.82
EUR 428.67
RUB 5.86
CNY 54.95

Atyraýda qalany jylýsyz qaldyrǵan magıstraldy qubyr aqaýy jóndeldi

2019 jyldyń 20 qańtar 2019 02:08 1363

ATYRAÝ. QazAqparat - Atyraýda qala turǵyndaryn jylýsyz jáne ystyq sýsyz qaldyrǵan qubyrjelisiniń aqaýy jóndeldi, dep habarlaıdy QazAqparat.

«19 qańtarda eki magıstraldy qubyr jelisiniń birinde uzyndyǵy 1 metr ýchaskede sý kete bastady. Zaqym kelgen tustaǵy sýdy toqtatý úshin saǵat 19:50-de  barlyq sorǵylary óshirildi. Sonyń saldarynan qala jylý jelisinde jylý berý toqtady. Saǵat 20:20-da apat ornyna Atyraý oblysynyń ákimi Nurlan Noǵaev keldi. Apat saldaryn joıý úshin vedomstvoaralyq jedel shtab quryldy. Aqaýy bar ýchaske qalpyna keltirilgen soń qubyrjelisin sýǵa toltyrý júrgizildi. Saǵat 21:50-de jylý berý iske qosyldy. Eki saǵat ishinde jylý jelisinde temperatýralyq rejim qalpyna keltirildi», - delingen qala ákimdiginiń baspasóz habarlamasynda.

Eske sala ketsek, buǵan deıin, Atyraýda jylý berý toqtatylyp, oǵan ne sebepshi bolǵanyn habarlaǵan edik.

Avtor: A. Sokolov

 

 

Joǵary qaraı