Aýa raıy
Astana 6 °S
Almaty 8 °S
valıýta baǵamy
USD 389.98
EUR 434.01
RUB 6.10
CNY 55.04

SQO sý qoımalaryndaǵy muz qaýip týdyra bastady

2019 jyldyń 18 qańtar 2019 21:52

PETROPAVLOVL. QazAqparat - Soltústik Qazaqstan óńiriniń qutqarýshylary qysta sýǵa túsetinderge qaýipten saqtanýǵa shaqyrdy, dep habarlaıdy QazAqparat tilshisi.

Tótenshe jaǵdaılar departamentinen habarlanǵandaı, oblystyń sý qoımalarynda aýa temperatýrasynyń kóterilýinen jáne ózenderde muzdyń mol kólemde shaıylýynan onyń qalyńdyǵy jaǵalaý syzyǵynyń janynda - 10 santımetrden tómen, ıaǵnı qaýipti deńgeıge jetti.

«Biz merekelik is-sharaǵa qatysýshylarǵa qaýipsizdik erejelerin saqtaý qajettiligi týraly eskertemiz: sýǵa tek belgilengen jerde túsý kerek. Muz qatqan jerge kóptep jınalýǵa bolmaıdy. Qorshaýdan shyǵýdyń da qaýpi bar. Muzǵa qalyńdyǵy men onyń ústindegi adamdardy baqylaıtyn polıtsııa qyzmetkerleri men qutqarýshylardyń nusqaýlary mindetti túrde saqtalýy tıis», - delingen vedomstvo habarlamasynda.

Qutqarýshylar sýǵa túsý kezinde azamattarǵa óz múmkindikteri men densaýlyqtaryn eskerip, alkogoldik ishimdik ishpeýge shaqyrady. Búırek aýrýlary, júrek-qan tamyr aýrýlary, joǵary qan qysymy, qant dıabeti bar jáne júkti áıelderge sýǵa túsýdiń qajeti shamaly. Jaraqat bar jaǵdaıda nemese kenet álsizdik paıda bolsa qystygúni sýǵa shomylýdyń keregi joq.

«Qazgıdromet» RMK málimetinshe, 19 qańtarda oblystyń keıbir jerlerinde qar, boran jáne tuman boljanýda. Ońtústik-batystan sekýndyna 9-14 metr jyldamdyqpen jel soǵady. Jeldiń jyldamdyǵy keı jerlerde sekýndyna 15-20 metrge deıin jetedi. Túnde aýa temperatýrasy 5-10, keı jerlerde 13 gradýs aıaz bolady. Kúndiz 0-den 5-ke deı, keı jerlerde 8 gradýsqa deıin aıaz bolady.

Olesıa Jýkoven

Joǵary qaraı