Aýa raıy
Astana 7 °S
Almaty 12 °S
valıýta baǵamy
USD 389.98
EUR 434.01
RUB 6.10
CNY 55.04

Astanada qoǵamdyq kólikterge reıd júrgizildi

2019 jyldyń 18 qańtar 2019 19:59

ASTANA. QazAqparat - Búgin Astanada jalpy respýblıkalyq «Avtobýs» jedel profılaktıkalyq is-sharasy ótti, dep habarlaıdy QazAqparat tilshisi.

Elimiz boıynsha ótkizilip jatqan atalǵan sharaǵa ishki ister organdarynyń 6 myńnan astam qyzmetkeri atsalysýda. Onyń ishinde 4857 patrýldik polıtsııa, 1561 basqa qyzmetten. Odan bólek, memlekettik organdar men qoǵamdyq birlestikterdiń 144 jumysshysy tartyldy.

Profılaktıkalyq jumys barysynda avtobýs júrgizýshileriniń tártip buzbaýyn qadaǵalaýdan bólek, olardyń qujattarynyń durystyǵy, kóliktiń tehnıkalyq jaǵdaıy basty nazarda boldy.

«Astanadaǵy qoǵamdyq kólikterdi búgin osymen ekinshi kún tekserýdemiz. Onda júrgizýshi jáne kóliktiń tıisti qujattarynyń bolýy, sol sııaqty avtobýstyń jalpy tehnıkalyq jaǵdaıyn qadaǵalaımyz. Tekserý barysynda oryn alǵan oqıǵaǵa sáıkes eskertý jasaýdan bastap, aıyppul tóleýge deıingi jaǵdaılar tirkelýde. Mysaly, jańa ǵana avtobýs júrgizýshisine aldyńǵy terezesiniń synyq bolǵany úshin 5 AEK kóleminde ıaǵnı 12 025 teńge aıyppul salyndy, eger 1 aptadan asyrmaı tólese, onda ol sýmanyń jartysyn ǵana tóleıdi», - dedi Astana qalasy polıtsııa departamentiniń qyzmetkeri, polıtsııa leıtenanty Erlan Somtemirov.

Onyń aıtýynsha, búginde elordada qoǵamdyq kólik júrgizýshileriniń jol erejesin buzý faktisi azaıǵan, oǵan sebep júrgizýshi jaýapkershiliginiń artýy men qala boıynsha beınebaqylaýdyń jıi ornatylýy.

Úsh kúnge sozylatyn reıdtiń keshegi kúngi nátıjesi boıynsha Astanada 129 jol júrý erejesin buzý jáne 2 jolaýshylardy zańsyz tasylmaldaý oqıǵasy tirkelse, odan bólek avtobýs parkiniń 3 laýazymdy qyzmetkeri ákimshilik jaýapkershilikke tartyldy.

Іshki mınıstrliginiń málimetine sáıkes, respýblıka boıynsha keshegi kúnniń qorytyndysynda 2061 jol júrý erejesin buzý oqıǵasy oryn alǵan. Onyń ishinde 2 masań kúıde kólik júrgizý, 3 joldyń qarsy betine shyǵý, 12 jumys jáne demalys kestesin buzý, 90 júrgizýshiniń jolaýshylar aldyndaǵy azamattyq-quqyqtyq jaýapkershilik saqtandyrý qaǵazynyń bolmaýy, 70 júk tasymaldaý erejesin buzý, 64 zańsyz qaıta jabdyqtalǵan avtobýs, 24 avtokóliktiń reıs aldy jáne 127 tehnıkalyq tekseristen ótpeý, 159 jyldamdyqty asyrý, 413 kólikti basqarý kezinde uıaly telefonmen sóılesý, 352 manevr jasaý erejesin buzý, 69 ortany lastaıtyn zattardy tastaý jáne 26 zańsyz jolaýshylardy tasymaldaý oqıǵasy tirkelgen.

Joǵary qaraı