Aýa raıy
Astana 8 °S
Almaty 14 °S
valıýta baǵamy
USD 389.98
EUR 434.01
RUB 6.10
CNY 55.04

21 qańtar. QazAqparat kúntizbesi

2019 jyldyń 21 qańtar 2019 07:00

ASTANA. QazAqparat - QazAqparat oqyrmandaryna 2019 jylǵy 21 qańtarǵa arnalǵan kúntizbesin usynady.




nullDostyq qushaqtyń halyqaralyq kúni

Bul jańa merekeniń dástúri boıynsha tanymaıtyn adamdy da dostyq qushaǵyna alýǵa bolady. Mereke batys eýropalyq stýdent jastardan bastaý alady.

Qazaqstanda ınjenerlik ásker kúni

Táýelsiz Qazaqstanda ınjenerlik ásker Qarýly Kúshter qurylǵannan beri bar. Injenerlik ásker jasaqtarynyń sarbazdary elimiz aýmaǵynda da, shetelde de túrli oqý-jattyǵý jıyndaryna qatysyp keledi.

ESTE QALAR OQIǴALAR

1932 jyly «Kazahstanskaıa pravda» gazetiniń alǵashqy nómiri jaryq kórdi. «Kazahstanskaıa pravda» gazetiniń burynǵy ataýy «Izvestııa Kırgızskogo kraıa» bolǵan, onyń alǵashqy nómiri 1920 jyly 1 qańtarda shyqqan. Ol beısenbi saıyn shyǵatyn aptalyq gazet boldy. 1932 jylǵy 20 qańtarda Qazraıkom III Plenýmynyń qaýlysymen «Sovetskaıa step» «Kazahstanskaıa pravda» bolyp ózgertildi. 1932 jylǵy 21 qańtardan bastap alǵashqy nómiri shyǵa bastady.

1995 jyly Qazaqstanda «Іsker áıelder qaýymdastyǵy» respýblıkalyq qoǵamdyq birlestigi quryldy. Birlestik isker áıelderdiń qaı salada qyzmet etse de, isker áıelderdiń joǵary mártebesi men ımıdjin qalyptastyrý, isker áıelderdi shoǵyrlandyrý, sondaı-aq áıelder men otbasy quqyqtary men múddesin qorǵaý maqsatynda quryldy.

1997 jyly Almatydaǵy Magnıtogorsk kóshesine akter, KSRO-nyń halyq ártisi Ydyrys Noǵaıbaevtyń esimi berildi.

2009 jyly elordanyń 10 jyldyq mereıtoıyna arnalǵan «Astana» entsıklopedııasynyń tanystyrylymy bolyp ótti.
Entsıklopedııa arqyly qalanyń tarıhy, ekonomıkasy, mádenıeti, bilim men ǵylymy, kórikti jerleri, tarıhı jáne mádenı murasy, qala qurylysy, sonymen birge sırek kezdesetin ǵımarattar, sáýlettik ansamblderi týraly, belgili qaıratkerlerdiń ómirderekterimen tanysyp bilýge bolady. Kitap 20000 danamen qazaq jáne orys tilinde shyǵaryldy.

2010 jyly Qazaqstan Respýblıkasynyń Reseı Federatsııasyndaǵy Tótenshe jáne Ókiletti Elshisi Zaýytbek Turysbekov Máskeý meri ıÝrıı Lýjkovpen kezdesip, kezdesý barysynda Máskeý mektepteriniń birine qazaq halqynyń birtýar perzenti Baýyrjan Momyshulynyń esimin berý týraly kelisimge qol qoıyldy.

2013 jyly QR Prezıdenti Nursultan Nazarbaevtyń Jarlyǵymen Astana qalasy men Aqmola oblysynyń shekaralary ózgerdi. Osylaısha Astana qalasy jerleriniń jalpy alańy 17,1 gektar bóligi Aqmola oblysynyń Tselınograd aýdanynyń shekarasyna jáne Aqmola oblysy Tselınograd aýdany jerleriniń jalpy alańy 17,1 gektar bóligi Astana qalasynyń shekarasyna qosyldy.

2014 jyly Nıý-Iorkte BUU janyndaǵy turaqty ókilder Qazaqstannan Qaırat Ábdirahmanov pen Trınıdad jáne Tobagodan Rodneı Charlz eki memleket arasyndaǵy dıplomatııalyq qatynastardy belgileý týraly birlesken qujatqa qol qoıdy.

Trınıdad jáne Tobago - Karıb teńiziniń ońtústiginde ornalasqan aral memleket, onda 1,3 mıllıonnan astam adam turady. Negizgi ekonomıkalyq sektorlary - munaı, tabıǵı gaz óndirý jáne óńdeý.

2014 jyly «Jas Otan» astanalyq fılıalynyń belsendi múshesi Farhat Mádenov Las-Vegasta máresine jetken «Hrýstal Magnolııa» XIX halyqaralyq jas oryndaýshylardyń mýzykalyq baıqaýynyń bas júldesin utyp aldy.

2014 jyly Dúnıejúzilik thekvonodo federatsııasynyń prezıdenti Chýngvon Cho Nursultan Nazarbaevqa qurmetti toǵyzynshy dan (WTF) men beldik jáne kımano tartý etti. Memleket basshysy bul kımanony thekvondodan joǵary ataq alatyn qazaqstandyq sportshyǵa syılaıtynyn atap ótti.

2016 jyly Túrki halyqtarynyń búkilálemdik kongresi ál-Farabı atyndaǵy Qazaq Ulttyq ýnıversıtetine «Túrki elderiniń úzdik joǵary oqý orny» ataǵyn berdi.

2017 jyly otandasymyz Kırıll Gerasımenko Qazaqstan Respýblıkasy tarıhynda ITTF World Tour jarystarynyń aqtyq kezeńine ótip, ústel tennısinen álemdik týr chempıony atanǵan tuńǵysh sportshy boldy. 21 jasqa deıingi topta Astana qalasy ákimdiginiń Mamandandyrylǵan joǵary sporttyq sheberlik mektebiniń ókili Kırıll Gerasımenko aqtyq synda 3:2 esebimen frantsýz Akkýzý Kannan basym tústi.

2018 jyly Qaraǵandy oblysyndaǵy Saran qalasynyń №17 mektebiniń oqýshysy S# (S Sharp) baǵdarlamalaý tiliniń negizinde balalardyń Ǵalamtor jelisinde qajetsiz kontentke kirmeýin baqylaıtyn arnaıy «Ata-analar qadaǵalaýy» baǵdarlamasyn qurdy. Baǵdarlamanyń maqsaty - kámelettik jasqa tolmaǵandardyń jas erekshelikterine sáıkes kelmeıtin saıttarǵa kirýine tosqaýyl qoıý. Balalar tyıym salynǵan saıttardyń birine kirip ketken jaǵdaıda, ata-anasyna birneshe mınýttan soń habarlama kelip túsedi.

Basty sózder: Kúntizbe,
Joǵary qaraı