Aýa raıy
Astana 0 °S
Almaty 18 °S
valıýta baǵamy
USD 389.81
EUR 430.27
RUB 6.06
CNY 54.91

Qazaqstanda qoqystan 20 túrli ónim jasalady

2018 jyldyń 20 maýsym 2018 18:10

ASTANA. QazAqparat - Sońǵy jyldary elimizde óndiristik jáne turmystyq qaldyqtardy óńdeý kólemi artty. Osy jumysty úılestiretin arnaıy kompanııa da qurylǵan bolatyn, dep xabarlaıdy QazAqparat tilshisi.

QR Energetıka mınıstri Qanat Bozymbaevtyń aıtýynsha, respýblıka boıynsha qatty turmystyq qaldyqtardy jınaý, suryptaý men óńdeýmen aınalysatyn 130 kásiporyn bar. Olardyń barlyǵy daıyn ónimniń 20 túrin shyǵarady.

«Máselen, Batys Qazaqstan oblysynyń ákimdigi qatty qaldyqtar polıgonyn jekemenshik kompanııanyń basqarýyna berdi. Qazirgi kezde ınfraqurylym jelileri tartylyp jatyr. Eki jyldyń ishinde qaldyqtardy suryptaý men óńdeý jelisi salynady. Odan keıin shıkizattan elektr energııasy óndiriledi», - dedi Q.Bozymbaev Astanada ótken baspasóz máslıxatynda.

Budan bólek, Almaty qalasynyń Alataý aýdanynda qoqys óńdeý kesheni salynady. Atalǵan kásiporyn bir táýliktiń ishinde 1 500 tonna qoqysty óńdeıtin bolady. Atalǵan jobanyń qurylysy ekinshi jartyjyldyqta aıaqtalady degen jospar bar. Al Qaraǵandy qalasynda fın kompanııasy qoqysty óńdep, gaz sıntezin óndirýdi josparlap otyr.

Aıta keteıik, búgingi baspasóz máslıxatynda Q.Bozymbaev benzınniń baǵasyna qatysty óz oıyn bildirdi.

Onyń aıtýynsha, qazirgi kezde AI-92 markaly benzın artyǵymen óndiriledi. Qazan aıynda rezervtiń mólsheri eki-úsh esege artyq bolady. Sol sebepti benzınniń baǵasy sál-pál ózgerýi ábden múmkin.

Joǵary qaraı