Aýa raıy
Astana 16 °S
Almaty 25 °S
valıýta baǵamy
USD 384.52
EUR 431.32
RUB 6.10
CNY 55.89

Aral teńiziniń qurǵap ketken aýmaǵynda orman paıda boldy

2019 jyldyń 21 aqpan 2019 14:11 11350

ASTANA. QazAqparat - Aral teńiziniń tartylyp qalǵan aýmaǵynda 300 myń gektarlyq orman ósip shyqty. Bul týraly Parlament Májilisinde «Aral óńiriniń ekonomıkalyq, ekologııalyq jáne áleýmettik máselelerin zańnamalyq retteý» taqyrybynda ótken dóńgelek ústel barysynda QR Parlamenti Májilisiniń Ekologııa máseleleri jáne tabıǵat paıdalaný komıtetiniń tóraǵasy Gleb egelskıı málim etti, dep habarlaıdy QazAqparat tilshisi.  

Májilismenniń aıtýyna qaraǵanda, Aral óńirinde osy ýaqytqa deıin 50 myń gektarlyq jaıylym jer qalpyna keltirilgen.

«Teńizdiń tartylyp qalǵan bóliginde qoldan otyrǵyzylǵan ormannyń aýmaǵy 300 myń gektarǵa jetti. Osynyń bári áleýmettik-ekonomıkalyq tıimdilikti kórsetedi», - deıdi Gleb egelskıı.

Alaıda depýtattyń aıtýyna qaraǵanda, aımaqtyń turaqtylyǵy úshin áli de birshama jumys júrgizý kerek.

«Iá, biz Kishi Araldy saqtap qala aldyq. Biraq, aldaǵy ýaqytta osy aımaqtyń sý resýrsyn saqtap qalýdy, salalardyń turaqty damýyn, sonyń ishinde balyq sharýashylyǵynyń órkendeýin oılastyrý kerek», - deıdi depýtat.

Keltirilgen málimetterge qulaq assaq, qazirgi tańda aımaqtaǵy balyq zaýyttarynyń jartysy ǵana tolyq qýatta jumys júrgizip otyr.

«Búkil óndiristik qýatty qalaı iske qosýdy, teńizdiń bıoresýrsyn saqtaı otyryp, kásibı balyq sharýashylyǵyn órkendetýdi, balyq óndirisiniń tolyq tsıklyn qalaı qurýdy oılastyrýymyz kerek», - deıdi depýtat.

Eske sala ketsek, buǵan deıin depýtat Gleb egelskıı Qazaqstan Aral teńiziniń soltústik bóligin qalaı saqtap qalǵanyn aıtyp bergen bolatyn.  

 

 

Joǵary qaraı