Awa rayı
Nur-Sultan 11 °S
Almatı 15 °S
valyuta bağamı
USD 379.36
EUR 424.47
RUB 5.88
CNY 54.95

Är otbasınıñ jeke älewmettіk kartası jasalıp jatır - Berdіbek Saparbaev

2019 jıldıñ 23 säwіr 2019 22:36 1265

NUR-SULTAN. QazAqparat - Bügіn Nur-Sultan qalasınıñ äkіmі Baqıt Sultanov jäne QR Eñbek jäne xalıqtı älewmettіk qorğaw mïnïstrі Berdіbek Saparbaev elordanıñ az qamtılğan jäne köpbalalı otbasılarımen kezdestі, dep xabarlaydı QazAqparat tіlşіsі.

«Burın otbasınıñ tabısın eseptegen kezde olardıñ balaları üşіn alatın järdemaqısı, sonday-aq «Altın alqa», «Kümіs alqa» üşіn jäne mügedek bala üşіn alatın järdemaqı, sol sïyaqtı stïpendïya, odan keyіn jergіlіktі äkіmdіkten berіletіn aqşalay järdemaqılardıñ barlığı esepteletіn edі. Osı jıldıñ 1 säwіrіnen bastap ol eseptewlerdі alıp tastadıq.  Yağnï atawlı älewmettіk kömek jäne basqa da memlekettіk qoldaw  körsetіletіn kezde joğarıda atalğan järdemaqı türlerі esepke kіrmeydі. Elbası bіzge aldımen kömekke muqtaj otbasılarğa qoldaw körsetw kerektіgіn basa ayttı. Osı maqsatta qazіrgі künі jergіlіktі atqarwşı bïlіk ökіlderіmen bіrіgіp, ärbіr otbasınıñ jeke älewmettіk kartasın jasawdamız. Bul tapsırmanı osı jıldıñ 1 şіldesіne deyіn bіtіrwіmіz kerek, däl qazіr onıñ 30% dayın. Tolıq jasap bolğanda otbasılarğa älewmettіk qoldaw körsetw boyınşa odan arğı bağıtımızdı ayqındaytın bolamız», - dedі B.Saparbaev.

Sonday-aq, mïnïstr jaña bïznes ïdeyalardı іske asırw üşіn awılda turatın köpbalalı otbasılarğa jäne jastarğa memlekettіk granttar berіletіnіn söz ettі.

«Osı jılı qolğa alınıp jatırğan atalğan sanatqa jatatın otbasılardı qoldawdıñ tağı bіr türі ol öz käsіbіmdі aşamın degen azamattarğa granttar men mïkrokredïtter berw. Mısalı,  bïıl öz käsіbіmdі döñgeletemіn degen 10 mıñ adamğa 500 mıñ teñge kölemіnde qaytarımsız grant berіledі, budan bölek şağın jäne orta käsіpkerlіkpen aynalısamın degen jandar üşіn 500 mıñ teñgeden 6,5 mln teñgege deyіn şağın nesïe berw qarastırılwda.  Tağı bіr aytıp ketetіn jayt, köpbalalı analar men mügedek bala tärbïelep otırğan analar üşіn üyіnde älewmettіk jumıs orındarın aşw jäne suranısqa ïe käsіpterge qısqa merzіmdі oqıtw uyımdastırıladı.  Bunıñ sebebі bul analar bala kütіmіne baylanıstı üyden şığa almaydı sondıqtan jağdaydı üylerіne aparıp jasawdamız», - dedі ol.

Odan bölek, B. Saparbaev qazіrgі tañda mïnïstrlіk otbasılarğa älewmettіk qızmetter men qoldaw şaralarınıñ 11 bölіkten turatın bіrıñğay paketі qurastırğanın aytıp berdі.

1. 1-4-sınıp oqwşıların tegіn ıstıq tamaqpen qamtamasız etw;

2. Balalar men analardıñ qoğamdıq kölіkte jeñіldіkpen jürwіn qamtamasız etw;

3. Mektep formasımen,  oqwlıqtarmen jäne oqw kerek-jaraqtarımen qamtamasız etw;

4. Balabaqşadağı orınğa basımdı quqıq berw;

5. Balalar lagerlerіnde tegіn demalw;

6. Kommwnaldıq qızmetter boyınşa ötemaqı tölemderі, kömіrmen jäne otınmen qamtamasız etw;

7. Gaz analïzatorların, jarıq pen sw eseptewіşterіn tegіn ornatw;

8. Köpbalalı otbasılar üşіn üyde arnayı jumıs orındarın qurw, granttar men şağın nesïeler berw;

9. Barlıq eñbek etwge qabіlettі AÄK alwşılardı jumıspen qamtw şaraları (oqıtw, jumısqa ornalastırw, jastar praktïkası, granttar men);

10. Turğın üy qurılıs jïnaqtarı jüyesі arqılı turğın üy jağdayın jaqsartw;

11.  Bіrjolğı älewmettіk kömek körsetw.

Joğarı qaray