Aýa raıy
Astana 25 °S
Almaty 28 °S
valıýta baǵamy
USD 386.80
EUR 429.27
RUB 5.78
CNY 54.89

Ánshi, fortepıano jáne kontrabas: Astana Operadaǵy tamyz keshteri

2019 jyldyń 20 shilde 2019 10:57 227

NUR-SULTAN. QazAqparat - Tamyz aıynda «Astana Opera» teatrynda  vokaldyq ári aspaptyq mýzykanyń qyzyqty da tartymdy kontsertter ótedi. Belgili ártister Kameralyq zal sahnasynda qazaqstandyq jáne sheteldik klassıkterdiń, sonymen qatar zamanaýı kompozıtorlardyń tanymal ári sırek oryndalatyn týyndylarymen óner kórsetpek. Bul jóninde teatrdyń baspasóz qyzmetine silteme jasap QazAqparat habarlaıdy.



21 tamyz kúni saǵat 19.00-de pıanıst Ásel Ábilseıitovanyń oryndaýyndaǵy «Ún qatqan beıneler» atty fortepıanoǵa arnalǵan mýzyka keshi ótedi. Ártis – Londondaǵy Koroldik Mýzyka akademııasy men Shveıtsarııanyń Bazel qalasyndaǵy Joǵarǵy mýzyka mektebi magıstratýrasynyń túlegi. Búgingi tańda ol Qazaqstan men Eýropa sahnalarynda solıst retinde ári kameralyq ansabl quramynda belsendi kontserttik qyzmetin júrgizip kele jatyr. Osy keshte Ásel Ábilseıitova T.Qajyǵalıev, K.Debıýssı, I.Albenıs, A.Hınastera syndy mýzykalyq klassıkter men halyqaralyq tanymaldylyqqa ıe bolǵan jas qazaqstandyq sazgerler A.Seıilova, A.Nurkenovanyń shyǵarmalary engen mazmundy baǵdarlamany usynady.




25 tamyzda saǵat 18.00-de «Áıel – án álemi» kontserti ótedi. Elordalyq kórermenge qazaq áıeliniń sanqyrly kelbetin Qazaqstannyń eńbek sińirgen ártisi, soprano Ǵalııa Baıǵazınova usynady. Sondaı-aq mýzykalyq keshke halyqaralyq baıqaýlardyń laýreattary Almat Іzbambetov (tenor), Ásem Qıyqpaeva, Nazym Nurǵazıeva (soprano), Nur-Sultan qalasy ákimdigi Memlekettik akademııalyq fılarmonııasynyń «Saryarqa» halyq mýzyka ansambli (kórkemdik jetekshisi – Toǵjan Jahın) men quramyna Almagúl Baıǵazınova (fortepıano), Tomırıs Baıǵazınova (alt), Saltanat Baıǵazınova (fleıta) engen aspaptyq trıo qatysady. Fortepıano partııasynda – Qazaq ulttyq óner ýnıversıtetiniń professory Gúlzada Qusaıynova.

Áıel beınesi ónerde barlyq ýaqytta da keńinen dáriptelgen. Názik jandy sulýlarǵa uly sýretshiler, aqyndar men sazgerler óz shyǵarmalaryn talaı arnaǵan edi. Ánshi kontsertte fortepıano men folklorlyq ansambldiń súıemeldeýimen tanymal qazaq halyq ánderin, sondaı-aq Sh.Qaldaıaqov, M.Mańǵytaev, І.Jaqanov, N.Tilendıev, E.Rahmadıev, E.Hasanǵalıev, T.Muhamedjanov sııaqty qazaqstandyq kompozıtorlardyń vokaldyq jaýharlaryn shyrqaıdy.




28 tamyz kúni saǵat 19.00-de «Astana Opera» teatrynyń orkestr ártisteri men kontsert qonaǵy – halyqaralyq baıqaýlardyń laýreaty Almas Baıǵojın (kontrabas, Túrkııa) tyńdarmandarǵa «Áýenimen terbegen kontrabas…» atty qyzyqty baǵdarlama usynbaq. Kameralyq zal sahnasynda halyqaralyq baıqaýlardyń laýreattary Nazym Saǵyntaı (soprano), Balnur Qudaıbergen (skrıpka), Asıa Nurjigitova (skrıpka), Altynaı Baltategi (alt), Gúldana Tólepbergen (fortepıano) óner kórsetedi.

Іshekti aspaptar tobyndaǵy eń tómen daýysty aspap jeke-dara shyǵarma oryndaıdy – bul sırek kezdesetin jaıt. Atap aıtqanda, kontrabas – aıryqsha tembrge ıe, al onyń tehnıkalyq múmkindikteri biz biletin erekshelikterinen de kóp. Daryndy kontrabas oryndaýshylary XVIII ǵasyrdyń ortasynan, ıaǵnı osy aspaptyń zamanaýı úlgide paıda bolýy kezeńinen belgili. Bul keshte ónersúıer qaýymǵa qazaq mýzykasynyń klassıgi Ǵ.Jubanovanyń Іshekti aspaptar kvarteti, re mınor usynylady. Budan bólek, F.Proto, Dj.Bottezınıdiń shyǵarmalary shyrqalmaq, bul jerde mýzykant tyńdarmandarǵa kontrabastyń sheber tehnıkalyq ári kórkemdik múmkindikterin pash etedi, sondaı-aq R.Leonkavallo, M.Ponseniń týyndylary oryndalady.

Basty sózder: Nur-Sultan, Mádenıet, Óner,
Joǵary qaraı