Aýa raıy
Astana 11 °S
Almaty 17 °S
valıýta baǵamy
USD 389.52
EUR 429.21
RUB 6.07
CNY 54.94

«Anashym, biz úıdemiz» jańa telejobasy bastalady – Dáýren Abaev

2019 jyldyń 15 mamyr 2019 12:29

NUR-SULTAN. QazAqparat - Qazaqstanda «Anashym, biz úıdemiz» telejobasy bastalady. Bul týraly búgin Ortalyq kommýnıkatsııalar qyzmetindegi baspasóz máslıhatynda QR Aqparat jáne qoǵamdyq damý mınıstri Dáýren Abaev jarııa etti, dep habarlaıdy QazAqparat tilshisi.

«Áleýmettik az qamtylǵan otbasylardy demeý elimizdegi basty baǵyttardyń biri. Mysaly, jyl saıyn kópbalaly otbasylardy qoldaý maqsatynda kóptegen memlekettik baǵdarlamalar júzege asyrylýda. Aǵymdaǵy jyldyń ózinde ataýly áleýmettik kómekpen qatar 40 myń jaldamaly páter qurylysyna qatysty jańa is-sharalar qolǵa alyndy. Aqparat jáne qoǵamdyq damý mınıstrligi de kópbalaly otbasylarǵa baılanysty bastamalardy qoldaýǵa árdaıym daıyn. Osy oraıda memlekettik aqparattyq tapsyrys aıasynda «31-arnamen» birigip «Anashym, biz úıdemiz» dep atalatyn jańa jobany kórermenge usynyp otyrmyz», - dedi mınıstr.



null

Osy oraıda ol páterdi jóndeý búgingi tańda ásirese kópbalaly otbasylar úshin eń ózekti máselelerdiń biri bolyp otyrǵanyn basa aıtty.

«Otandyq teleónim arqyly osy máseleniń sheshimin tabamyz dep oılaımyz. Páterler men úıler tolyq jańaryp, jobadaǵy árbir otbasy músheleriniń ómir súrýi úshin barynsha yńǵaıly baspanalarǵa aınalady. «Anashym, biz úıdemiz» jobasynyń keıipkerlerimen de kórermen jan-jaqty tanysady. Otbasynyń turmysy, taǵdyry eshkimdi de beı-jaı qaldyrmaıdy dep oılamyn», - dedi Dáýren Abaev.



null

Aıta keteıik, jobany daıyndaý búgin bastaldy. Oǵan qatysý úshin ótinimdi dom@31.kz elektrondyq poshtasyna jiberý nemese +7 7082677326 nómiri arqyly joba úılestirýshilerine baılanysý qajet. Al 11 tamyzdan bastap «31-arna» kórermenderi ár otbasymen jeke tanysyp qana qoımaı, olardyń páterleri men úıleriniń barynsha kórkeıgenine kýá bolady.

Joǵary qaraı